Дзясяты раз у горадзе Беразіно на Міншчыне праходзіць фестываль народных тэатраў «Бярэзінская рампа».
Па традыцыі ў ім бяруць удзел заслужаны аматарскі калектыў Беларусі драматычны тэатр «Відарыс» Палаца культуры імя М. Горкага з Барысава, народны тэатр драмы і камедыі імя У. Галубка Слуцкага гарадскога дома культуры. Нязменны ўдзельнік фестывалю — народны тэатр Бярэзінскага раённага дома культуры. На сцэнічнай пляцоўцы «Рампы» выступаюць таксама артысты народных тэатраў палацаў культуры Маладзечна і адкрытага акцыянернага таварыства «БелАЗ-Холдынг» з Жодзіна.
Ацэньвае выканаўчае майстэрства народных тэатраў кампетэнтнае журы, якое ўзначальвае заслужаны артыст Беларусі, дэкан тэатральнага факультэта Беларускай дзяржаўнай акадэміі мастацтваў, прафесар Уладзімір Мішчанчук. Сустаршыня журы — артыстка Нацыянальнага акадэмічнага тэатра імя Я.Купалы, народная артыстка Беларусі Марыя Захарэвіч.
Таццяна ЛАЗОЎСКАЯ
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».