Вы тут

LTE-сетка з'явіцца ва ўсіх рэгіёнах Беларусі


Кампанія beCloud аб'яўляе аб запуску тэхналогіі LTE-Advanced ў камерцыйную эксплуатацыю ва ўсіх рэгіёнах краіны. Пра гэта паведамляе прэс-цэнтр beCloud.


 mybroadband.co.za

Пастаўшчыкамі абсталявання для развіцця LTE-сеткі ў галінах сталі вядучыя сусветныя тэлекам-брэнды - кампаніі Huawei і Ericsson. Паслугамі высакахуткаснага інтэрнэту ўжо ў першыя месяцы работы праекта змогуць скарыстацца абласныя абаненты найбуйнейшага мабільнага аператара Беларусі - МТС. 

У снежні тэхналогія сувязі чацвёртага пакалення стане даступная карыстальнікам Гомеля, Брэста, Віцебска, Магілёва, і Гродне, пашырыцца пакрыццё LTE-сеткі ў Мінску, з'явіцца ў прыгарадах сталіцы - Ждановічах, Ратамцы, Калодзішчах, Сеніцы, Стайках, Тарасаве і іншых населеных пунктах у ваколіцах МКАД.

Усяго праз месяц, у студзеня 2017, LTE-Advanced запрацуе больш чым у трыццаці рэгіёнах - Барысаве, Бабруйску, Маладзечне, Баранавічах, Салігорску, Пінску, Кобрыне, Пружанах, Лідзе, Мазыры, Добрушы, Шклове, Оршы, Полацку, Наваполацку, Браславе, Лепелі, Верхнядзвінску і іншых гарадах.

«Менш чым за год мы пабудавалі сетку, якая дасць магчымасць выкарыстоўваць тэхналогію LTE ва ўсіх рэгіёнах краіны. Больш за тое, мы штотыдзень фіксуем рост цікавасці карыстальнікаў да хуткасцяў чацвёртага пакалення. Колькасць абанентаў мабільных аператараў расце, а значыць, павялічваецца і нагрузка на сетку. Менавіта таму beCloud павялічыў прапускную здольнасць LTE-сеткі ў сталіцы на 40%, адначасова палепшыўшы пакрыццё ў шэрагу праблемных месцаў», - адзначыў генеральны дырэктар beCloud Сяргей Паблагуеў.

4G-інтэрнэт стане даступны больш чым 5,5 мільёнам беларусаў. А гэта 75% гарадскога насельніцтва краіны. Да канца 2017 года beCloud плануе забяспечыць LTE асноўныя буйнанаселеныя гарады. У перспектыве 4G можа з'явіцца ва ўсіх раённых цэнтрах.

Даведка. Галоўная перавага тэхналогіі LTE заключаецца ў значна больш высокіх хуткасцях мабільнага інтэрнэту. І калі максімальная ўваходзячая хуткасць для абанентаў беларускіх 3G-сетак абмежаваная 42 Мбіт/с, то ў сетцы 4G яна дасягае 150 Мбіт/с (пры сярэдняй хуткасці 25 Мбіт/с у Мінску). Па прагнозах beCloud, у параўнанні з сярэднімі хуткасцямі ў сталіцы, сярэднія хуткасці LTE у першыя месяцы запуску ў абласцях Беларусі могуць узрасці да 30-35 Мбіт/с.

Дадаць каментар

Выбар рэдакцыі

Грамадства

Партызанскія рукапісы — бясцэнныя сведчанні ваеннага часу

Партызанскія рукапісы — бясцэнныя сведчанні ваеннага часу

Партызанскія часопісы — насамрэч унікальныя інфармацыйныя зборнікі, значэнне і важнасць якіх разумелі ў тым ліку іх стваральнікі і чытачы.

Грамадства

Беларускія навукоўцы прадставілі больш за 300 распрацовак і тэхналогій

Беларускія навукоўцы прадставілі больш за 300 распрацовак і тэхналогій

На юбілейнай выстаўцы Нацыянальнай акадэміі навук.

Эканоміка

Ніна Жалязнова: Мы, беларусы, па сваёй ментальнасці — людзі зямлі

Ніна Жалязнова: Мы, беларусы, па сваёй ментальнасці — людзі зямлі

«Звязда» ўжо неаднойчы пісала пра гэту незвычайную жанчыну.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра ўрокі іншай мовы і шчасце, калі ў доме гаспадар.