Падчас чарговага пасяджэння Прэзідыума Савета Міністраў Рэспублікі Беларусь былі разгледжаны пытанні фінансава-эканамічнага становішча арганізацый цэментнай і шкляной прамысловасці, ход працы па зніжэнні сабекошту выпускаемай імі прадукцыі і рэалізацыя Праграмы эфектыўнага выкарыстання магутнасцяў арганізацый цэментнай прамысловасці на 2015 — 2020 гады. Таксама разгледжаны вынікі работы па стабілізацыі і развіцці ўнутранага спажывецкага рынку, у тым ліку ў сельскай мясцовасці.
Падчас разгляду фінансава-эканамічнага становішча арганізацый цэментнай і шкляной прамысловасці Андрэй Кабякоў адзначыў, што кіраўнік дзяржавы і ўрад надалі дастаткова ўвагі вырашэнню іх праблем. «Таму мы маем права патрабаваць ад Мінбудархітэктуры, кіраўнікоў прадпрыемстваў эфектыўнай працы і, перш за ўсё, у пытаннях зніжэння выдаткаў і нарошчвання аб'ёмаў экспартных паставак», — падкрэсліў прэм'ер-міністр.
Аналізуючы вынікі працы па развіцці ўнутранага спажывецкага рынку, у тым ліку ў сельскай мясцовасці, Андрэй Кабякоў адзначыў, што ў цэлым сітуацыя стабільная. «У поўным аб'ёме забяспечана выкананне дзяржаўных сацыяльных стандартаў у галіне гандлю, грамадскага харчавання і бытавога абслугоўвання насельніцтва, у гандлёвых аб'ектах прадстаўлены шырокі асартымент харчовых і нехарчовых тавараў у розных цэнавых сегментах, не дапушчана перабояў пастаўкі тавараў, спекулятыўнага росту цэн, узровень інфляцыі знаходзіцца ў прагнозных параметрах», — падкрэсліў прэм'ер-міністр. Так, доля гандлю ў валавым унутраным прадукце (ВУП) краіны склала 11,2%. Гэта другое месца сярод галін эканомікі пасля перапрацоўчай прамысловасці.
Вераніка ПУСТАВІТ
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
