Вы тут

Абарот наркотыкаў ідзе на спад, а на сяле галоўная праблема — крадзяжы


Пра гэта ішла гаворка на пасяджэнні калегіі МУС.


За апошнія тры гады дзяржаўная палітыка ў сферы наркакантролю стала больш жорсткай і, дзякуючы гэтаму, больш эфектыўнай. Удалося прадухіліць масавае захапленне забароненымі рэчывамі сярод моладзі. Аб станоўчых выніках найбольш красамоўна кажа статыстыка. Як паведамляе прэс-служба МУС, за 10 месяцаў 2014 года было зарэгістравана 1092 выпадкі перадазіроўкі наркотыкамі, а за аналагічны перыяд гэтага года — 658. Акрамя таго, за апошнія два гады не было зафіксавана ні аднаго падобнага факта сярод непаўналетніх.

Сёлета супрацоўнікамі органаў унутраных спраў выяўлена амаль 5,5 тысячы нарказлачынстваў. Пераважная большасць з іх ажыццяўляецца праз глабальную сетку. У ходзе праверак была спынена дзейнасць 90 інтэрнэт-крам, якія прапаноўвалі пакупнікам забаронены тавар, а таксама заблакіравана амаль паўтысячы электронных кашалькоў, звязаных з гэтым бізнесам. На працягу года з незаконнага абароту канфіскавана 329,8 кг наркатычных сродкаў і 29,3 кг псіхатропных рэчываў, а таксама 21 т насення маку і 1,5 т насваю.

Калі гаварыць пра злачыннасць на вёсцы, варта адзначыць, што больш за палову ўсіх крымінальна каральных дзеянняў склалі крадзяжы. Аднак іх колькасць, таксама як і лік фактаў наўмыснага прычынення цяжкіх цялесных пашкоджанняў, рабаванняў і разбояў, у цэлым зменшылася. Пры гэтым назіраецца тэндэнцыя павелічэння колькасці махлярстваў і хуліганстваў, таму асаблівую ўвагу неабходна надаць дэалкагалізацыі насельніцтва, а таксама ахове пажылых людзей, якія аўтаматычна трапляюць у групу рызыкі.

У вёсках і аграгарадках актыўна праводзяцца прафілактычныя мерапрыемствы, накіраваныя на падтрыманне грамадскага парадку. Гэта дало магчымасць у бягучым годзе амаль на 5% знізіць колькасць зарэгістраваных злачынстваў у параўнанні з аналагічным перыядам мінулага года.

Дар'я КАСКО

kasko@zvіazda.by

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.