Вы тут

У маладзёжнай сталіцы Беларусі вызначаць "Лідара года"


15—16 снежня на базе Баранавіцкага дзяржаўнага ўніверсітэта ўпершыню пройдзе рэспубліканскі конкурс “Лідар года”.


Фота: privet-rostov.ru

Прэтэндэнтаў на гэта званне чакае шэраг конкурсных выпрабаванняў, у тым ліку марафон відэакліпаў “Я шчаслівы як ніхто!!” і літаратурных візітных картак. У відэакліпе фіналісты павінны будуць прадставіць сюжэтнае музычнае відэа, у якім прадэманструюць свае дасягненні, унікальнасць і дэвіз па жыцці. А падчас літаратурнай візітнай карткі студэнцкія актывісты прэзентуюць сябе ў форме найбольш блізкага ім літаратурнага жанру: гэта можа быць байка, верш, легенда, казка і г.д. Аратарскае майстэрства спатрэбіцца канкурсантам на  этапе “Універсітэт будучыні ", каб выкласці членам журы з трыбуны выразную стратэгію дзеянняў студэнцкага самакіравання ў 2016/2017 навучальным годзе. Ад іх чакаюць прэзентацыі канкрэтных мерапрыемстваў, дзеянняў і праектаў.

Падчас інтэлектуальнага паядынку “Лідар-менеджар — гэта Я” фіналістам будзе прапанавана выказаць сваё меркаванне па сцвярджэнні, звязанаму з абранай тэмай, а таксама  максімальна хутка вырашыць нестандартную сітуацыю, якая вымагае ад іх прыняцця кіраўніцкіх рашэнняў.

16 снежня ў маладзёжнай сталіцы Беларусі пройдзе пасяджэнне Грамадскага рэспубліканскага студэнцкага савета, члены якога абмяркуюць стратэгію працы і прэзентуюць новыя праект на наступны год. Таксама ў гэты ж дзень адбудзецца дыялог у адкрытым фармаце “Актуальныя задачы і напрамкі сумеснай работы адміністрацый і маладзёжных актывістаў па развіццю вышэйшай школы ў 2017 годзе” з удзелам прадстаўнікоў Міністэрства адукацыі, Баранавіцкага райвыканкама, лідараў дзіцячых і маладзёжных аб'яднанняў, студэнтаў усіх устаноў вышэйшай адукацыі краіны.

Творчымі натхняльнікамі і арганізатарамі конкурсу выступаюць Міністэрства адукацыі і Баранавіцкі дзяржаўны універсітэт. Нагадаем, што маладзёжнай сталіцай Беларусі ў 2016 годзе на конкурснай аснове быў абраны горад Баранавічы. Конкурсны адбор ажыццяўляўся на падставе многіх крытэрыяў: у прыватнасці, улічваліся колькасць моладзі ў населеным пункце, добраўпарадкаванне тэрыторыі горада, магчымасці для атрымання якаснай адукацыі, баўлення вольнага часу моладдзю і іншыя.

У 2017 годзе на статус маладзёжнай сталіцы прэтэндуюць Полацк, Ліда, Шклоў і Маладзечна. Менавіта гэтыя чатыры гарады выйшлі у фінал конкурсу.

Надзея НІКАЛАЕВА

nikalaeva@zviazda.by

Дадаць каментар

Выбар рэдакцыі

Культура

Даніэль Ястрэмскі: «Еўрабачанне» — мара, да якой я доўга ішоў

Даніэль Ястрэмскі: «Еўрабачанне» — мара, да якой я доўга ішоў

Гэты 14-гадовы мінчанін, бадай, самы вядомы сёння беларускі дзевяцікласнік. Ён ні многа ні мала, а выйграў нацыянальны адбор на дзіцячае «Еўрабачанне».

Грамадства

Як гэта было: шчыры аповед аб усынаўленні

Як гэта было: шчыры аповед аб усынаўленні

Алене хутка будзе 44, яна выкладае ў адным са сталічных універсітэтаў. 

Грамадства

Школа заўтрашняга дня. У трэндзе — медыянавыкі, гейміфікацыя і сторытэлінг

Школа заўтрашняга дня. У трэндзе — медыянавыкі, гейміфікацыя і сторытэлінг

У мінулыя выхадныя сталічны бізнес-клуб «Імагуру» ўжо другі раз прымаў на сваіх плошчах педагагічную неканферэнцыю.