Вы тут

Думкі ў голас


Шэрага чалавека i яркае адзенне не зробiць прывабным.

 

Трапіўшы ў палон да жанчыны, мужчына не думае пра вызваленне.

 

На чужы каравай рот не разяўляй — можаш i без зубоў застацца.

 

Хто мае поўны кашалёк, спакушаецца на пустыя расходы.

 

Смак да жыцця вызначаецца не ежай.

 

Перш чым кiнуць камень у чужы агарод, звычайна яго пэўны час трымаюць за пазухай.

 

Пункт погляду залежыць ад таго, што жадаеш убачыць.

 

Афарызм — гэта думка, якая пабывала на славеснай дыеце.

 

Ад чалавека з цяжкім характарам нiкому не лёгка.

 

I таго, хто працы не баiцца, iншы раз пужае зарплата.

 

Той, хто гне сваю лiнiю, умее казаць прама.

 

Народжаныя поўзаць лётаць не могуць. Ды і не хочуць.

 

Той, хто чуе толькi сябе, не пакутуе з-за глухаты.

 

Мышыную мiтусню могуць ствараць i людзi.

 

Жыццё так пабудавана, што ўсе пастаянна хочуць яго перабудаваць.

 

У сямейнае кола не ўпiсваецца любоўны трохкутнiк.

 

Чалавек з вялiкай лiтары рэдка выкарыстоўвае апошнюю лiтару алфавiта.

 

Даслаў Барыс КАВАЛЕРЧЫК,

г. Гомель.

Дадаць каментар

Выбар рэдакцыі

Палітыка

Аб чым дамовіліся прэзідэнты Беларусі і Азербайджана?

Аб чым дамовіліся прэзідэнты Беларусі і Азербайджана?

Па выніках перамоў у Мінску яны прынялі сумесную заяву.

Грамадства

Партызанскія рукапісы — бясцэнныя сведчанні ваеннага часу

Партызанскія рукапісы — бясцэнныя сведчанні ваеннага часу

Партызанскія часопісы — насамрэч унікальныя інфармацыйныя зборнікі, значэнне і важнасць якіх разумелі ў тым ліку іх стваральнікі і чытачы.

Грамадства

Беларускія навукоўцы прадставілі больш за 300 распрацовак і тэхналогій

Беларускія навукоўцы прадставілі больш за 300 распрацовак і тэхналогій

На юбілейнай выстаўцы Нацыянальнай акадэміі навук.

Эканоміка

Ніна Жалязнова: Мы, беларусы, па сваёй ментальнасці — людзі зямлі

Ніна Жалязнова: Мы, беларусы, па сваёй ментальнасці — людзі зямлі

«Звязда» ўжо неаднойчы пісала пра гэту незвычайную жанчыну.