Вы тут

Прэм'ер прапанаваў удасканальваць сацыяльную сферу паступова


У чацвер Прэзідэнт Беларусі Аляксандр Лукашэнка прызначыў двух новых міністраў — адукацыі, а таксама працы і сацыяльнай абароны. У той жа дзень члены Прэзідыума Савета Міністраў Беларусі пазнаёмілі новапрызначаных асоб з калектывамі іх ведамстваў.


Андрэй КАБЯКОЎ, прэм'ер міністр, прадставіў калектыву Міністэрства працы і сацыяльнай абароны новага міністра Валерыя Малашку. Па яго словах, урад чакае ад кіраўніка Міністэрства працы і сацыяльнай абароны свежага погляду на праблемы сацыяльнай сферы. Кіраўнік Саўміна звярнуў увагу на неабходнасць удасканалення сістэмы, але пры гэтым падкрэсліў эвалюцыйнасць шляху. «Гаворкі пра карэнную ломку не ідзе, у нас такіх прэтэнзій да міністэрства, каб нешта ламаць, не было і, спадзяюся, не будзе. А вось эвалюцыйна ўдасканальваць работу трэба. На гэтым варта будзе засяродзіцца міністру і яго намеснікам», — адзначыў Андрэй Кабякоў.

Урад зацікаўлены ў здаровых ініцыятывах па каардынаванні рынку працы, сістэмы матэрыяльнага стымулявання работнікаў, разняволенні дзелавой ініцыятывы, забеспячэнні збалансаванасці пенсійнай сістэмы, укараненні новых форм сацыяльнага абслугоўвання, паведамляе прэс-служба Саўміна. «Першае патрабаванне — набрацца духу, дзесьці амаладзіцца і паглядзець на функцыянаванне сацыяльна-працоўнай сферы, работу цэнтральнага апарату міністэрства, мясцовых органаў па працы, занятасці і сацыяльнай абароне свежым, уважлівым позіркам для таго, каб максімальна ўзважана прадумаць, дзе работу можна аптымізаваць», — адзначыў кіраўнік урада.

У сваю чаргу, намеснік прэм'ер-міністра Наталля КАЧАНАВА, прадстаўляючы калектыву ведамства новага міністра адукацыі Ігара Карпенку, адзначыла, што сістэма адукацыі ў Беларусі добра выбудаваная. «Асноўнае пытанне, на якім робіцца акцэнт сёння, гэта эфектыўная работа кожнай установы — ці гэта дашкольная ўстанова адукацыі, вышэйшая навучальная ўстанова або ўстанова ў сістэме дадатковай, спецыяльнай адукацыі», — сказала віцэ-прэм'ер.

Пытанням матэрыяльна-тэхнічнага забеспячэння, будаўніцтва, рэканструкцыі, мадэрнізацыі і капітальнага рамонту школ больш увагі павінны ўдзяляць мясцовыя органы ўлады, адзначыла Наталля Качанава. Каардынуючую ролю ў гэтым мусіць займаць Міністэрства адукацыі. Разам з тым кожны кіраўнік у рэгіёне — у раённым цэнтры, у горадзе — павінен выразна ўяўляць, як будзе развівацца сістэма адукацыі ў плане адкрыцця або закрыцця школ, дзіцячых дашкольных устаноў. Калі прымаюцца такія рашэнні, яны павінны быць дакладна выверанымі і прадуманымі.

Вераніка ПУСТАВІТ

pustavіt@zvіazda.by

Загаловак у газеце: Змены да лепшага — праз эвалюцыю

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.