Вы тут

Сёлета, акрамя ёлак і соснаў, дамы беларусаў упрыгожаць і піхты


— Раней гэта дрэўца лічылася навагоднім сімвалам у асноўным у еўрапейскіх краінах, цяпер карыстаецца попытам і ў нас. Пакуль асартымент у лясгасах невялікі, мы толькі пачынаем працаваць з адпаведным пасадачным матэрыялам. Калі ёлка дасягае метра за 4—5 гадоў, то піхце на гэта спатрэбіцца 10—12. У лясгасах дрэва вышынёй да метра каштуе прыблізна 40 рублёў, — расказала кансультант упраўлення лясной гаспадаркі Міністэрства лясной гаспадаркі Марыя Герасіменка.

Калі ж гаварыць пра звыклыя ёлкі, то спецыяльнымі навагоднімі плантацыямі сёння занята каля 800 гектараў. З 2 мільёнаў дрэўцаў больш за 175 тысяч дасягнулі адпаведных параметраў для рэалізацыі. З 21 снежня ў рэгіёнах будзе арганізавана каля 1100 гандлёвых пунктаў, 20 з іх — у Мінску. Кошт дрэўцаў вышынёй ад аднаго да двух метраў складзе 8—10 рублёў, яшчэ танней ёлкі абыдуцца, калі набываць іх у лясніцтвах.

З 15 снежня дзяржаўная лясная ахова перайшла на ўзмоцнены рэжым кантролю лясоў з мэтай не дапусціць незаконныя высечкі і вываз дрэў без адпаведных дакументаў. Разам з супрацоўнікамі МУС, Мінпрыроды, Дзяржаўнай інспекцыі аховы жывёльнага і расліннага свету пры Прэзідэнце Рэспублікі Беларусь і іншымі кантралюючымі органамі плануецца правесці больш за 1800 рэйдавых мерапрыемстваў, выставіць звыш 300 кантрольных пастоў. Будуць выкарыстоўвацца фота- і відэапасткі. Сёння ў лясгасах задзейнічана каля 470 такіх прыстасаванняў, з пачатку 2016 года з іх дапамогай было выяўлена і прыцягнута да адказнасці каля 160 парушальнікаў. У пераднавагодні перыяд прыборы відэафіксацыі размесцяць каля садаводчых кааператываў, іншых участкаў, дзе часта адбываюцца незаконныя высечкі. Штраф за ссечанае без дазволу дрэўца складзе ад 5 да 50 базавых велічынь.

Рагнеда ЮРГЕЛЬ

yurgel@zvіazda.by

Загаловак у газеце: Падарункі пад... піхтай

Выбар рэдакцыі

Грамадства

Карэспандэнт «Звязды» высвятляла, чаму так цёмна на асветленых вуліцах Магілёва

Карэспандэнт «Звязды» высвятляла, чаму так цёмна на асветленых вуліцах Магілёва

Вечарам прайсціся ўздоўж цэнтральнай вуліцы Першамайскай у Магілёве адно задавальненне.

Спорт

Баскетбаліст Бенджамін-Павел Дуду: У Гане мяне называлі белым

Баскетбаліст Бенджамін-Павел Дуду: У Гане мяне называлі белым

Мама Бена — беларуска, тата — ураджэнец Ганы.

Эканоміка

Куды звяртацца, калі грамадзяніну затрымліваюць зарплату?

Куды звяртацца, калі грамадзяніну затрымліваюць зарплату?

Адказ на гэта і іншыя пытанні — у гутарцы з Дзмітрыем Шаўчуком.