Вы тут

Задзіракам-балельшчыкам забароняць прыходзіць на матчы


Дэпутаты працуюць над законапраектам, які часова забароніць наведванне масавых спартыўных мерапрыемстваў тым, хто раней быў там затрыманы за парушэнне дысцыпліны. У першую чаргу гэта датычыцца футбольных фанатаў, якія канфліктуюць і такім чынам перашкаджаюць астатнім балельшчыкам атрымліваць асалоду ад відовішча.


Валянцін МІХНЕВІЧ, старшыня Пастаяннай камісіі Палаты прадстаўнікоў па нацыянальнай бяспецы, падкрэсліў: галоўнае, на што нацэлены гэты праект закона, — прафілактыка правапарушэнняў.

— Ён абараняе правы балельшчыкаў. Чалавек, які прыйшоў на канкрэтнае спартыўнае мерапрыемства, павінен атрымаць максімум задавальнення, якое гарантавана, — адзначыў Валянцін Міхневіч.

Праект закона «Аб унясенні дапаўненняў і змяненняў у некаторыя законы Рэспублікі Беларусь па пытаннях аховы грамадскага парадку і забеспячэння грамадскай бяспекі пры правядзенні спартыўна-масавых мерапрыемстваў, спартыўных спаборніцтваў» прадугледжвае забарону на наведванне масавых спартыўных мерапрыемстваў на тэрмін ад трох месяцаў да трох гадоў. Падстава для такога пакарання — здзяйсненне адміністрацыйнага правапарушэння на тэрыторыі фізкультурна-спартыўных комплексаў.

Сяргей САФАР'ЯН, першы намеснік старшыні асацыяцыі «Беларуская федэрацыя футбола», звярнуў увагу, што падобныя абмежавальныя меры ў свеце існуюць дастаткова даўно.

— У дысцыплінарным кодэксе ФІФА, у дысцыплінарным кодэксе Беларускай федэрацыі футбола забараняльныя нормы ёсць, — нагадаў ён. — Узнікалі пытанні з тым, што ў нашых заканадаўчых актах адпаведная норма не ўтрымліваецца, таму механізм рэалізацыі вельмі ўскладнены. Мы спадзяёмся, што дакумент запрацуе і гэта дазволіць заставацца на трыбунах тым, хто прыйшоў глядзець відовішча, а не ўдзельнічаць у нейкіх экстрэмісцкіх або палітычных акцыях. Думаецца, што дасць вынікі прафілактычная работа і людзей, пазбаўленых права наведваць спартыўна-масавыя мерапрыемствы, будзе няшмат.

Увогуле, бойкі на стадыёнах не раз прыводзілі да гібелі вялікай колькасці людзей. У 2012 годзе на стадыёне ў Порт-Саідзе (Егіпет) загінула 73 чалавекі, не менш за 100 былі паранены. У 2010 годзе ў Маскве на Манежнай плошчы сабралася каля 50 тысяч чалавек на мітынг, прысвечаны памяці балельшчыка «Спартака». У выніку мітынг перарос у сутыкненне, якое пасля вылілася ў беспарадкі ў многіх расійскіх гарадах. Яшчэ раней — у 1969 годзе беспарадкі на стадыёнах справакавалі рэальны ваенны канфлікт паміж Сальвадорам і Гандурасам, які працягваўся 6 дзён, а гэта трагедыя ўвайшла ў гісторыю пад назвай «футбольная вайна». Загінула больш за тры тысячы чалавек, больш за шэсць тысяч было паранена.

Па словах Рамана МЕЛЬНІКА, начальніка галоўнага ўпраўлення аховы правапарадку і прафілактыкі міліцыі грамадскай бяспекі Міністэрства ўнутраных спраў, любая забарона — гэта вельмі сур'ёзная працэдура. Пры гэтым толькі суд у канчатковым выніку можа вызначыць ступень вінаватасці той ці іншай асобы.

Пакуль дэпутаты прапрацоўваюць законапраект. Пасля сваё слова павінны будуць сказаць эксперты, прававыя інстытуты, у прыватнасці Нацыянальны цэнтр заканадаўства і прававых ініцыятыў. Плануецца, што дакумент будзе разглядацца ў першым чытанні ў Авальнай зале ў маі наступнага года.

Надзея ЮШКЕВІЧ.

yushkevіch@zvіazda.by

Загаловак у газеце: Хто лішні на футболе?

Выбар рэдакцыі

Грамадства

Аповед жанчыны, якая здолела вярнуць дачку з сацыяльнага прытулку

Аповед жанчыны, якая здолела вярнуць дачку з сацыяльнага прытулку

Жанчыну, якая здолела не толькі вярнуць дзіця з прытулку, але і далей выхоўвае яго, знайсці аказалася не проста. 

Грамадства

Чаму зараз варта далей трымацца ад вадаёмаў?

Чаму зараз варта далей трымацца ад вадаёмаў?

Люты больш нагадвае пазачарговы вясновы месяц.

Грамадства

Капыльскі раён. Мінулы год можна назваць стабільным

Капыльскі раён. Мінулы год можна назваць стабільным

Чым Капыльскі раён жыве сёння і якія планы на перспектыву?

Грамадства

Якую літаратуру здаюць у букіністычныя крамы?

Якую літаратуру здаюць у букіністычныя крамы?

Калі звычайныя кнігарні працуюць па формуле «кніга — чалавек», то букіністычныя трымаюцца на прынцыпе «людзі — кнігі — людзі».