Такое меркаванне сёння журналістам выказала намеснік старшыні Савета Рэспублікі Нацыянальнага сходу Мар'яна Шчоткіна перад цырымоніяй падвядзення вынікаў трэцяга працоўнага семестра з ушаноўваннем пераможцаў рэспубліканскага конкурсу "Працоўны семестр-2016".
Мар'яна Шчоткіна адзначыла, што "студатрадаўскі рух аб'ядноўвае моладзь, якая сапраўды вельмі актыўная, хоча сябраваць, дапамагчы краіне, сама зарабіць свае грошы".
На Усебеларускі злёт віцэ-спікер Савета Рэспублікі прынесла сваю студатрадаўскага куртку. Мар'яна Шчоткіна пяць гадоў працавала ў студатрадах і асвоіла нямала прафесій: працавала на бетонных работах, была маляром, тынкоўшчыкам, поварам. А яшчэ з тых часоў, прызналася Мар'яна Шчоткіна, у яе засталіся два добрыя сябры, з якімі прыемна ўспомніць гэтыя паездкі.
Сёння ў Мінску праходзіць Усебеларускі злёт студэнцкіх атрадаў "Маладосць. Праца. Рамантыка". Яго ўдзельнікамі сталі больш за 300 байцоў лепшых студэнцкіх атрадаў розных профіляў з усіх куткоў Беларусі, у тым ліку камандзіры і камісары, а таксама прадстаўнікі прымаючых арганізацый, кіраўнікі органаў дзяржаўнага кіравання. Традыцыйна ўдзельнікі злёту ўсклалі вянкі і кветкі да манумента Перамогі, ушанавалі мінутай маўчання памяць аб воінах Савецкай Арміі, партызанах і падпольшчыках, якія загінулі ў гады Вялікай Айчыннай вайны.
Цырымонія падвядзення вынікаў трэцяга працоўнага семестра ў Беларускім дзяржаўным маладзёжным тэатры стала цэнтральным мерапрыемствам. Дыпломамі і каштоўнымі прызамі адзначаны лепшыя студэнцкія атрады, камандзіры і камісары, а таксама лепшыя арганізацыі, якія прымаюць студэнцкія атрады.
Галоўныя задачы Усебеларускага злёту студэнцкіх атрадаў "Маладосць. Праца. Рамантыка" - развіццё і прымнажэнне традыцый студэнцкіх атрадаў, творчага і культурнага патэнцыялу ўдзельнікаў студатрадаўскага руху, абмен вопытам, заахвочванне лепшых байцоў атрадаў і наймальнікаў.
Студатрадаўскі рух - адзін з вядучых напрамкаў дзейнасці БРСМ. У 2016 годзе сіламі ўсіх структурных падраздзяленняў Рэспубліканскага штаба студэнцкіх атрадаў у складзе 3,8 тыс. студатрадаў розных профіляў працаўладкавана амаль 72,4 тыс. чалавек, індывідуальна - каля 2 тыс. На аб'ектах будаўніцтва Беларускай атамнай электрастанцыі, аб'яўленых Усебеларускай маладзёжнай будоўляй, працавала 845 чалавек.
У трэцім працоўным семестры 2016 года студэнцкія атрады БРСМ дапамагалі будаваць дзіцячую абласную клінічную бальніцу ў Гомелі, Цэнтральную раённую бальніцу ў Астраўцы, аперацыйны блок Магілёўскага абласнога анкалагічнага дыспансера з рэзервовай кацельняй на прыродным газе. Студатрады ўдзельнічалі ў будаўніцтве трэцяй лініі Мінскага метрапалітэна, Кітайска-беларускага індустрыяльнага парка "Вялікі камень", а таксама збіралі ўраджай, працавалі з дзецьмі ў дзіцячых аздараўленчых лагерах, добраўпарадкоўвалі тэрыторыі помнікаў воінскай славы, месц масавых пахаванняў, тэрыторый населеных пунктаў, месц масавага адпачынку, водаахоўных зон і прыбярэжных палос водных аб'ектаў, паркаў, аб'ектаў культурна-гістарычнай і духоўнай спадчыны.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.