17 Жнівень, чацвер

Вы тут

Віншаванне Уладзіміра Патупчыка з Днём энергетыка


Паважаныя работнікі і ветэраны галіны! Дарагія калегі!

Ад імя Міністэрства энергетыкі Рэспублікі Беларусь і ад сябе асабіста віншую вас з прафесійным святам — Днём энергетыка!


Адыходзячы год стаў значным этапам у развіцці энергетычнай сферы Рэспублікі Беларусь. На дзяржаўным узроўні прыняты шэраг праграмных дакументаў, што вызначылі стратэгічныя накірункі забеспячэння энергетычнай незалежнасці краіны, — новая рэдакцыя Дырэктывы Прэзідэнта Рэспублікі Беларусь № 3 «Аб прыярытэтных накірунках умацавання эканамічнай бяспекі дзяржавы», комплексны план развіцця электраэнергетычнай сферы да 2025 года з улікам уводу Беларускай атамнай станцыі, ухвалена канцэпцыя праекта закона аб электраэнергетыцы.

Маштабнасць задач, якія пастаўлены, сведчыць пра тое, што паліўна-энергетычны комплекс рэспублікі з'яўляецца базавым сектарам нацыянальнай эканомікі і адыгрывае важнейшую ролю ў павышэнні ўзроўню жыцця насельніцтва, забеспячэнні эканамічнай і энергетычнай бяспекі краіны.

У адыходзячым годзе энергетыкі не толькі ў поўнай меры выканалі свае абавязацельствы па бесперабойнаму і надзейнаму забеспячэнню насельніцтва і рэальнага сектара электрычнай, цеплавой энергіяй і паліўна-энергетычнымі рэсурсамі, але і прадоўжылі дзейнасць па павышэнні эфектыўнасці работы беларускай энергасістэмы.

Апраўдала сябе інавацыйная накіраванасць тэхнічнага пераўзбраення энергааб'ектаў. Толькі ў гэтым годзе рэалізаваны шэраг значных інвестыцыйных праектаў: завершаны рэканструкцыя Аршанскай ЦЭЦ з устаноўкай турбаагрэгата магутнасцю 12,8 МВт, будаўніцтва Лунінецкай ЦЭЦ на мясцовых відах паліва, устаноўка ГТУ-25 МВт на Магілёўскай ЦЭЦ-1, катла на Брэсцкай ЦЭЦ-1; уведзены ў эксплуатацыю Навагрудская ветраэлектрычная станцыя магутнасцю 7,5 МВт, чатыры пускавыя комплексы праекта па выдачы электрычнай магутнасці ад Беларускай АЭС; рэалізаваны праект па выдачы цеплавой магутнасці ад РК-3 у Барысаве і іншыя.

Працягваецца будаўніцтва Полацкай і Віцебскай ГЭС, мадэрнізацыя Гомельскай ЦЭЦ-1 і іншых аб'ектаў энергасістэмы.

Адной з важнейшых задач сённяшняга дня з'яўляецца ўдасканаленне электрасеткавай гаспадаркі галіны. Толькі за 9 месяцаў бягучага года ў краіне пракладзена звыш 1 000 км ВЛ 0,4–10 кВ, пабудавана і рэканструявана прыкладна 60 км ВЛ 110 кВ і 224 км ВЛ 330 кВ.

Здадзены ў эксплуатацыю новыя высокатэхналагічныя падстанцыі 110 кВ «Старабарысаўская» і «Тэхнапарк», рэканструявана падстанцыя «Дражня».

Трэба адзначыць, што ў няпростых эканамічных умовах энергетыкі змаглі захаваць станоўчыя тэндэнцыі развіцця галіны, стаць больш мабільнымі і эфектыўнымі.

Праведзеная мадэрнізацыя Беларускай энергасістэмы дазволіла павысіць нашу канкурэнтаздольнасць. Выдаткі паліва на выпрацоўку 1 кВт/г электраэнергіі скараціліся і дасягнулі паказчыка 235,4 г у. п. Па гэтаму паказчыку Беларусь на працягу некалькіх гадоў знаходзіцца ў лідарах сярод краін СНД.

Істотна палепшыліся такія тэхніка-эканамічныя паказчыкі работы беларускай энергасістэмы, як тэхналагічныя расходы электрычнай і цеплавой энергіі на транспарт у сетках.

Беларусь дасягнула значных поспехаў у газіфікацыі рэспублікі і развіцці тарфяной прамысловасці. Работнікамі газавай галіны ўведзена ў эксплуатацыю 1,2 тыс. км газаправодаў; газіфікавана прыродным газам 20,8 тыс. кватэр; на спажыванне прыроднага газу са звадкаванага пераведзена 8,7 тыс. кватэр.

Аб'ём прыроднага газу, пастаўленага спажыўцам газазабяспечваючымі арганізацыямі, перавысіў 12 млрд м3, рэалізавана прыкладна 60 тыс. тон звадкаванага вуглевадароднага газу.

У гэтым сезоне прадпрыемствамі тарфяной прамысловасці здабыта звыш 1,5 млн. тон торфу, выпушчана 540 тыс. тон торфабрыкетаў. Тэмп росту склаў 120,3% да ўзроўню аналагічнага перыяду мінулага года.

Найбольш інавацыйным праектам у энергетыцы рэспублікі з'яўляецца ўзвядзенне Беларускай атамнай электрастанцыі. На сучасным этапе важнейшая задача — рэалізацыя тэхнічных, эканамічных, прававых і арганізацыйных мер, накіраваных на інтэграцыю АЭС у беларускую энергасістэму.

З улікам праведзенай работы па абнаўленні вытворчых фондаў асноўныя намаганні ў перспектыве будуць накіраваны на далейшае развіццё сеткавай інфраструктуры, што дазволіць істотна павысіць надзейнасць энергазабеспячэння. Такія мэты вызначаны ў гэтай пяцігодцы ў рамках шэрагу дзяржаўных праграм і галіновай праграмы развіцця электраэнергетыкі.

Развіццё беларускай энергасістэмы не абмяжоўваецца толькі яе тэхнічным абнаўленнем. Для нас важна развіваць такія накірункі, як удасканаленне арганізацыйнай структуры, павышэнне кадравага патэнцыялу, знешнеэканамічнае развіццё з улікам фарміравання агульнага электраэнергетычнага рынку Еўразійскага эканамічнага саюза.

Гэтыя складальнікі таксама ўплываюць на эфектыўнасць функцыянавання галіны.

Паважаныя калегі! Вынікі ў развіцці энергетыкі, што дасягнуты за апошняе дзесяцігоддзе, па майму цвёрдаму перакананню, сталі магчымымі толькі дзякуючы зладжанай працы работнікаў галіны ўсіх узроўняў, іх самаадданасці і высокаму прафесіяналізму. Дазвольце выказаць упэўненасць у тым, што энергетычная галіна рэспублікі будзе і ў далейшым паспяхова функцыянаваць, дынамічна развівацца, вырашаць узнікаючыя праблемы і эфектыўна выконваць галоўную задачу — гарантаваць надзейнае забеспячэнне насельніцтва і рэальнага сектара эканомікі энергарэсурсамі і палівам.

Ад усёй душы віншую ўсіх работнікаў шматтысячнага калектыву і ветэранаў галіны з прафесійным святам, Новым годам і Раством Хрыстовым!

Жадаю вам і вашым блізкім моцнага здароўя, пазітыўнай энергетыкі, сямейнага дабрабыту і поспехаў у прафесійнай дзейнасці!

Міністр энергетыкі Рэспублікі Беларусь Уладзімір Патупчык

Дадаць каментар

Выбар рэдакцыі

Грамадства

Руху WоrldSkіlls Belarus патрабуецца ўласны брэнд

Руху WоrldSkіlls Belarus патрабуецца ўласны брэнд

У кастрычніку ў Абу-Дабі (ААЭ) пройдзе 44-ы чэмпіянат WоrldSkіlls Іntеrnаtіоnаl, у якім возьмуць удзел і беларусы. 

Грамадства

Як байцы з трох краін узводзяць новую спартыўную арэну

Як байцы з трох краін узводзяць новую спартыўную арэну

Сярод усіх маладзёжных будоўляў гэтага лета мінская гарадская — асаблівая. 

Калейдаскоп

Дзмітрый Літвіновіч: СhеrrуVаtа «абнулілася» і пачала новае жыццё

Дзмітрый Літвіновіч: СhеrrуVаtа «абнулілася» і пачала новае жыццё

Наколькі цяжка пачынаць прамаўляць уголас пасля доўгага маўчання, ці змяніліся ўмовы гульні на музычным рынку і ці прынялі хіпстары памкненні эксперыментатараў старога пакалення.

Грамадства

Унікальны заплыў «на чым папала» прайшоў на Аўгустоўскім канале

Унікальны заплыў «на чым папала» прайшоў на Аўгустоўскім канале

Гэта відовішча ўжо трэці год запар здзіўляе сваім нестандартным падыходам.