Вы тут

Чакаецца, што жыроўкі ў сярэднім пацяжэюць на 11 рублёў


Савет Міністраў адпаведнай пастановай зацвердзіў новыя тарыфы на некаторыя віды жыллёва-камунальных паслуг на будучы год.


Дакументам вызначаюцца кошты (тарыфы) на паслугі газазабеспячэння, электразабеспячэння і цеплазабеспячэння, якія субсідзіруюцца дзяржавай і забяспечваюць поўнае пакрыццё эканамічна абгрунтаваных затрат на іх аказанне. Акрамя таго, устаноўлены гранічныя памеры тарыфаў на паслугі водазабеспячэння і водаадвядзення, тэхнічнае абслугоўванне жылога дома, тэхнічнае абслугоўванне ліфта, вышэй за якія аблвыканкамы і Мінскі гарвыканкам устанаўліваць не могуць.

З першых дзён студзеня на 17% павялічацца цэны за цеплаэнергію і газ. У дакуменце ўдакладняецца, што тарыф на цяпло вырасце да 15,6098 рубля за 1 Гкал (цяпер — 13,3417 рубля за 1 Гкал), а новы цэннік на прыродны газ будзе дзейнічаць у ацяпляльны перыяд. Затое тарыфы на электраэнергію для насельніцтва застануцца на ранейшым узроўні. Аднак павялічацца тарыфы на электраэнергію, спажытую на асвятленне ліфтаў у шматкватэрных жылых дамах (не больш за 39 капеек з аднаго жыхара ў месяц), а таксама электрычнасці на работу ліфтаў, дзе цана падрасце да
47 капеек з аднаго жыхара (цяпер 26 капеек).

У Міністэрстве антыманапольнага рэгулявання і гандлю ўдакладнілі, што пасля такога павелічэння тарыфаў плацяжы насельніцтва па аплаце жыллёва-камунальных паслуг будуць павышаны ў памеры, эквівалентным 5 доларам у разліку на сям'ю з трох чалавек, якая жыве ў двухпакаёвай кватэры агульнай плошчай 48 квадратных метраў, пры нарматыўным спажыванні гэтых паслуг (па асноўных і дадатковых паслугах) і ўзрастуць на 10,98 рубля, што складзе ў ацяпляльны перыяд 79,38 рубля.

Пастановай рэкамендавана аблвыканкамам і Мінгарвыканкаму забяспечыць памеры выдаткаў насельніцтва за санітарнае ўтрыманне дапаможных памяшканняў жылога дома не больш за 53 капейкі з аднаго жыхара ў месяц, а за тэхнічнае абслугоўванне запорна-перагаворных прылад жылога дома — не больш за 91 капейку з адной кватэры.

Акрамя таго, аблвыканкамы і Мінгарвыканкам цяпер павінны ўзгадніць з Міністэрствам антыманапольнага рэгулявання і гандлю тарыфы па ЖКП, якія субсідзіруюцца дзяржавай. Напрыклад, тарыфы на водазабеспячэнне цяпер павінны быць не больш чым 0,5301 рубля за 1 кубаметр (зараз — 0,279 рубля), на водаадвядзенне (каналізацыю) — не больш за 0,354 рубля за 1 кубаметр (0,1863 рубля), тэхнічнае абслугоўванне жылога дома — не больш за 0,1 рубля за месяц за 1 квадратны метр агульнай плошчы жылога памяшкання (0,0995 рубля), тэхабслугоўванне ліфта — не больш за 1,19 рубля ў месяц з аднаго жыхара (0,6911 рубля).

Тарыфы на водазабеспячэнне, водаадвядзенне (каналізацыю), тэхабслугоўванне жылога дома, якія забяспечваюць поўнае пакрыццё эканамічна абгрунтаваных затрат, не зменяцца. А тарыф на тэхабслугоўванне ліфта павялічыцца да 1,33 рубля ў месяц з аднаго жыхара (было 1,2 рубля).

Сяргей КУРКАЧ

kurkасh@zvіаzdа.bу

Загаловак у газеце: Налета каля 80 рублёў за «камуналку»

Выбар рэдакцыі

Грамадства

Нацыянальная акадэмія навук ініцыюе стварэнне народнага летапісу Вялікай Айчыннай вайны

Нацыянальная акадэмія навук ініцыюе стварэнне народнага летапісу Вялікай Айчыннай вайны

Навукоўцы звяртаюцца да кіраўніцтва абласных і раённых выканаўчых камітэтаў, устаноў адукацыі і культуры, грамадскіх арганізацый, усіх зацікаўленых грамадзян з просьбай разгарнуць работу па зборы ўспамінаў і фатаграфій удзельнікаў падзей Вялікай Айчыннай вайны.

Грамадства

Зіновій Прыгодзіч. Успаміны пра архітэктара Леаніда Левіна. Пайшоў, каб застацца...

Зіновій Прыгодзіч. Успаміны пра архітэктара Леаніда Левіна. Пайшоў, каб застацца...

З Леанiдам Левiным, славутым нашым архiтэктарам, мяне пазнаёмiў Генадзь Бураўкiн — яго даўнi, харошы сябра.

Грамадства

«Дзякуй участковаму — ён нас добра беражэ». Як міліцыя праводзіць прафілактычны рэйд падчас сітуацыі з каранавірусам

«Дзякуй участковаму — ён нас добра беражэ». Як міліцыя праводзіць прафілактычны рэйд падчас сітуацыі з каранавірусам

«Без мiлiцыi мы нiяк», — рэзюмаваў Прэзiдэнт Беларусi Аляксандр Лукашэнка падчас сустрэчы з мiнiстрам унутраных спраў Юрыем Караевым, маючы на ўвазе сiтуацыю з каранавiрусам. 

Грамадства

Чым сябе заняць на самаiзаляцыi?

Чым сябе заняць на самаiзаляцыi?

Урачы па ўсiм свеце запусцiлi флэшмоб #StayAtHome.