Вядомая беларуская гімнастка Меліціна Станюта вырашыла завяршыць актыўную спартыўную кар'еру. Урачыстыя провады адбудуцца 23 снежня падчас традыцыйнага дзіцячага турніру Baby Cup у мінскім Палацы спорту.
Меліціна Станюта выступіць перад удзельнікамі і гасцямі турніру і атрымае заслужаную порцыю віншаванняў і памятных падарункаў. Рашэнне аб завяршэнні кар'еры далося беларускай грацыі нялёгка. Думкі пра гэта прыйшлі пасля заканчэння Алімпіяды-2016 у Рыа, дзе яна не здолела трапіць у лік прызёраў, заняўшы 5-е месца. І вось зараз пасля доўгіх роздумаў 23-гадовая Меліціна Станюта ўсё ж прыняла канчатковае рашэнне завяршыць выступленні.
Яе спартыўная кар'ера пачалася ў 2005 годзе, з тых часоў Меліціна Станюта шматкроць станавілася прызёрам сусветных і еўрапейскіх чэмпіянатаў, перамагала на этапах Кубка свету, Універсіядзе і Сусветных гульнях. У 2015 годзе Меліціна Станюта стала заслужаным майстрам спорту. Гімнастка з'яўляецца праўнучкай народнай артысткі Савецкага Саюза Стэфаніі Станюты.
Фота БЕЛТА
Мерапрыемства праводзіцца на добраахвотнай аснове.
Не выявіць ні секунды абыякавасці.
