Як паведаміла прэс-служба знешнепалітычнага ведамства, падчас сустрэчы ў МЗС расійскаму дыпламату «быў заяўлены пратэст у сувязі з растыражаванымі СМІ выказваннямі дырэктара Федэральнай дзяржаўнай навуковай бюджэтнай установы «Расійскі інстытут стратэгічных даследаванняў» Рашэтнікава Л.П. у адрас Рэспублікі Беларусь».
«Беларускім бокам была дадзена прынцыповая ацэнка ў дачыненні да неабгрунтаванасці па сутнасці і катэгарычнай непрымальнасці па форме падобных заяў, — гаворыцца ў прэс-паведамленні. — Падкрэслена, што яны абсалютна не адпавядаюць стратэгічнаму характару беларуска-расійскіх адносін, а таксама зафіксаваным у двух- і шматбаковых дакументах прынцыпам, на якіх грунтуецца супрацоўніцтва нашых брацкіх дзяржаў, — павагі суверэнітэту, незалежнасці і тэрытарыяльнай цэласнасці».
Напярэдадні па сеціве «разляцелася» выказванне вышэйназванага Леаніда Рашэтнікава пра тое, што беларускай мове, маўляў, усяго толькі 90 гадоў. Гэта ўскалыхнула нашу інтэлігенцыю і стала штуршком для сапраўднай «хвалі» публікацый пра старажытнасць нашай мовы і пра тое, што карані беларускай нацыі паходзяць яшчэ з пазамінулага тысячагоддзя — з часоў, калі ў рэгіёне найважнейшую ролю адыгрывалі Полацкае і Тураўскае княствы.
Надзея ЮШКЕВІЧ
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».