Вы тут

У другой палове тыдня ўначы месцамі будзе да мінус 9 градусаў


У апошні тыдзень года чакаецца цёплае, але няўстойлівае надвор'е, паведамляе начальнік службы гідраметэаралагічных прагнозаў Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды Дзмітрый Рабаў.


У першую палову тыдня праз нашы паўночна-ўсходнія раёны будзе рухацца цыклон з боку Балтыйскага мора. Ён прынясе ветранае і цёплае надвор'е. Ужо сёння паўсюдна пройдзе мокры снег і дождж, на асобных участках дарог галалёдзіца. На большай частцы тэрыторыі краіны прагназуецца ўзмацненне ветру парывамі да 15—20 м/с, па Брэсцкай і Гродзенскай абласцях — парывамі да 22 м/с. Тэмпература паветра — 1—4 цяпла. У сераду надвор'е яшчэ мацней сапсуецца, бо на большай частцы тэрыторыі Беларусі пройдзе кароткачасовы мокры снег. У асобных раёнах прагназуецца мяцеліца, слабы галалёд, на дарогах галалёдзіца. Уначы і раніцай на значнай частцы тэрыторыі, а ўдзень — у асобных раёнах чакаецца ўзмацненне ветру парывамі да 15—20 м/с. Тэмпература паветра на працягу сутак складзе ад мінус 5 градусаў да 2 цяпла.

Ужо з чацвярга на Беларусі чакаецца рост атмасфернага ціску і паляпшэнне надвор'я. Вецер сціхне, ападкаў стане менш, будзе халадней. У чацвер уначы і раніцай у асобных раёнах краіны чакаецца невялікі кароткачасовы снег.

Паводле папярэдніх прагнозаў айчынных спецыялістаў, у навагоднія святы чакаецца не зусім зімовае, але спакойнае надвор'е. У суботу і нядзелю ў асобных раёнах краіны магчымы кароткачасовыя ападкі ў выглядзе мокрага снегу і дажджу. На выключаюць сіноптыкі слабыя туман і галалёд, а на дарогах галалёдзіцу. Тэмпература паветра ўначы складзе ад нуля да мінус 5 градусаў, а па поўдні пры праясненнях — да 7 марозу. Праўда, удзень прагназуецца ад мінус 3 да плюс 3 градусаў.

Сяргей КУРКАЧ

kurkасh@zvіаzdа.bу

Фота БЕЛТА

Загаловак у газеце: Адліга на фоне ветру

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.