Па выніках апытання, якое праводзілася найстарэйшай спартыўнай газетай Беларусі «Спортивная панорама», названы лепшыя атлеты, трэнеры і каманды адыходзячага года. У галасаванні прынялі ўдзел больш за сто журналістаў друкаваных і электронных СМІ.
Уладзіслаў Ганчароў, які заваяваў алімпійскае «золата» Рыа, стаў лепшым спартсменам, ён атрымаў 981 ачко. Другое месца заняў кідальнік молата сярэбраны прызёр Гульняў Іван Ціхан — 763 балы. Лепшай сярод беларускіх спартсменак прадстаўнікі масмедыя прызналі цяжкаатлетку Марыю Мамашук (591 ачко), якая ў жніўні 2016-га ў Рыа заняла другое месца ў вагавай катэгорыі да 63 кг.
Лепшым трэнерам адыходзячага года названа галоўны трэнер зборнай Беларусі па скачках на батуце Вольга Уласава. Лепшай негульнявой камандай стала жаночая байдарка-чацвёрка, якая заваявала бронзавую ўзнагароду ў Бразіліі.
Камандай года ў гульнявых відах прызнана жаночая зборная па баскетболе, якая брала ўдзел у Алімпійскіх гульнях. У тройцы лепшых у гэтай намінацыі таксама мужчынская зборная па гандболе і жаночая нацыянальная каманда па валейболе.
Дар'я ЛАБАЖЭВІЧ
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».