Ранкам усхваляваныя суседзі паведамілі сталічным ратавальнікам пра моцнае задымленне ў пад'ездзе іх жылога дома па вуліцы Алтайскай.
Работнікі МНС, якія аператыўна прыбылі на месца выкліку, устанавілі, што ў пакоі аднапакаёвай кватэры, размешчанай на першым паверсе дзевяціпавярховіка, адбылося загаранне маёмасці на плошчы тры квадратныя метры. У жыллі знаходзіліся двое дзяцей 2013 і 2015 гадоў нараджэння і іх маці 1990 года нараджэння, паведамілі ў Мінскім гарадскім упраўленні МНС. Па словах жанчыны, калі яна зайшла ў пакой, гарэла ёлка. Жанчына самастойна спрабавала ліквідаваць загаранне, але не змагла, пасля чаго разам з дзецьмі пакінула кватэру. На шчасце, ніхто не пацярпеў. Прычына пажару ўстанаўліваецца. Мяркуецца, што ён узнік з-за кароткага замыкання ёлачнай гірлянды.
Сяргей РАСОЛЬКА
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
