Вы тут

Навагоднюю копію Нацыянальнай бібліятэкі ўзвялі ў Гомелі


Нацыянальная бібліятэка Беларусі будавалася чатыры гады. Яе навагоднюю копію ў Гомелі ўзвялі за адну ноч. Дарэчы, адначасова горад над Сожам упрыгожылі Брэсцкая крэпасць, Вялікая кітайская сцяна, егіпецкія піраміды, Біг-Бэн, Крэмль, Пізанская і Эйфелева вежы і нават фешэнебельны эмірацкі гатэль-«ветразь»...


Светлавыя копіі вядомых архітэктурных збудаванняў свету адразу ж прыцягнулі ўвагу гамяльчан і гасцей горада. Сацыяльныя сеткі запаланіліся выявамі накшталт: «я ў Лондане» ці «я ў Парыжы». Ілюмінацыю ўключылі разам з галоўнай ёлкай вобласці. Макеты ўсталявалі ў скверы імя Андрэя Грамыкі супрацоўнікі прадпрыемства «Гомельгарсвятло». Яго кіраўнік Дзмітрый Лебедзь расказаў, што работы пачаліся некалькі месяцаў таму з мазгавога штурму: як зрабіць горад не толькі прыгожым, але і незвычайным.

Вышыня канструкцый складае ад 3 да 5 метраў — яны зроблены ў дакладных маштабах і прапорцыях арыгіналаў. Кожны макет знакамітых збудаванняў падсвятляецца знутры. Іх дапоўніла алея арак, якая пралягае праз увесь сквер і будзе ўключацца не толькі на Новы год, але і на іншыя значныя святы ў горадзе. На галоўнай ёлцы Гомеля на плошчы Леніна тым часам зазіхацела чатыры тысячы святлодыёдных лямпачак.

Навагодні тралейбус, упрыгожаны ілюмінацыяй, з Дзедам Марозам за рулём таксама падтрымлівае святочны настрой гамяльчан. Прадпрыемства «Гарэлектратранспарт» такім чынам зрабіла свой унёсак у стварэнне святочнай атмасферы ў Гомелі.

Ірына АСТАШКЕВІЧ

іоst@zvіаzdа.bу

Загаловак у газеце: Усе ў Гомель, каб пабываць... у Парыжы

Выбар рэдакцыі

Грамадства

​Моладзь пры ўладкаванні на працу жадае заробак у тысячу рублёў

​Моладзь пры ўладкаванні на працу жадае заробак у тысячу рублёў

Хоць толькі збіраюцца выйсці на рынак працы.

Калейдаскоп

Чым Адэса прываблівае турыстаў

Чым Адэса прываблівае турыстаў

Гэта — недарагі адносна іншых курортаў адпачынак.

Грамадства

Як апынуцца ў раннім Сярэднявеччы?

Як апынуцца ў раннім Сярэднявеччы?

Ці сапраўды ў акваторыі сучаснага горада можна ўбачыць і нават праплыць на парусніку вікінгаў?

Грамадства

На Пастаўшчыне адбыўся інклюзіўны фестываль

На Пастаўшчыне адбыўся інклюзіўны фестываль

Для дзяцей з абмежаванымі магчымасцямі «Асаблівыя, як усе».