Міністр адукацыі Ігар КАРПЕНКА наведаў выхаванцаў Магілёўскай дзяржаўнай спецыяльнай школы закрытага тыпу ў рамках рэспубліканскай дабрачыннай акцыі «Нашы дзеці». У якасці падарункаў ад Міністэрства адукацыі ён прывёз два камплекты тэнісных сталоў і прысмакі. У спецшколе на перавыхаванні знаходзяцца падлеткі ад 11 да 15 гадоў: на дадзены момант гэта 58 хлопцаў і дзяўчат. Частка з іх, хто «падцягнуў» вучобу і не мае заўваг, знаходзяцца дома на канікулах.
Ігар Карпенка павіншаваў дзяцей з надыходзячым Новым годам і Калядамі. Пажадаў ім моцнага здароўя, поспехаў у творчасці і вучобе, а таксама выказаў надзею, што яны вырастуць дастойнымі грамадзянамі. «Вы сюды былі накіраваны для перавыхавання і рэабілітацыі. Мне вельмі хочацца, каб вы разумелі тую меру адказнасці, якую на вас усклалі, каб выправілі свой шлях, добра вучыліся і выйшлі ў самастойнае жыццё сапраўднымі прафесіяналамі, стварылі сем'і, дастойна жылі і працавалі ў нашай незалежнай Беларусі», — сказаў міністр.
Кажучы пра акцыю «Нашы дзеці», міністр адзначыў: «Гэта выдатная ідэя, выдатнае мерапрыемства, якое праходзіць па краіне. Я як міністр удзячны ўсім тым дарослым, якія адгукаюцца на заклік стварыць святочны настрой для дзетак напярэдадні Новага года. Перакананы, што сумеснымі намаганнямі ўсіх дарослых — не толькі педагогаў, але і грамадскіх аб'яднанняў, працоўных калектываў, прадпрыемстваў, прадстаўнікоў бізнесу — мы зможам падарыць ім часцінку сваёй любові».
Надзея НІКАЛАЕВА
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
