Разам з сыходзячым годам прыйшоў час падводзіць вынікі і на сайце «Звязды». Топ самых рэзанансных матэрыялаў ужо быў прадстаўлены вашай увазе. Прапануем узгадаць самыя папулярныя фотарэпартажы і яшчэ раз захапіцца імі.
Анатоль Кляшчук не стамляецца радаваць нас сваімі фотазамалёўкамі. Ён заўсёды ўмее "злавіць кадр", перадаць праз здымкі ўсё хараство захаваных момантаў. Паглядзіце на яго фотагісторыі...
Восеньскія імпрэсіі Браслаўшчыны
Цікавых фотазамалёвак мы публікавалі ў 2016-м на сайце шмат. І таму выбар быў нялёгкі, бо наш фотакарэспандэнт Анатоль Кляшчук чалавек рознабаковы: і людзей, і іх паўсядзённае жыццё любіць адлюстроўваць не менш за прыроду. Але ахвотней за ўсіх (і нездарма!) праглядаліся тры рэпартажы:
Як бусел Фомка з ксяндзом пасябраваў
Як жыве пчаляр і сырароб з Гаці
Мы наўмысна не сталі складаць рэйтынг самых важных падзей адыходзячага года: у кожнага ён будзе свой. І таму прапануем вам згадаць найбольш маляўнічыя з іх. Гэта Дзень беларускага пісьменства, які прайшоў у Рагачове, пілігрымка з Мінска ў Будслаў і, канешне ж, школьныя выпускныя балі. Нават нягледзячы на тое, што гэтыя падзеі адбываюцца штогод, кожны раз ёсць у іх свая "разыначка".
Як прайшоў Дзень беларускага пісьменства ў Рагачове
Карэспандэнт "Звязды" здзейсніў пілігрымку з Мінска ў Будслаў
У Беларусі прайшлі школьныя выпускныя балі
Беларусь вельмі багатая на аўтэнтыку. Народныя абрады, звычаі, святы і традыцыі адрозніваюцца часам не толькі ў межах краіны, але часам нават у адным раёне! Апісаць усе іх немагчыма нават за пяць год. Але Анатоль Кляшчук пастараўся данесці да чытачоў "Звязды" усё хараство і каларыт народных святаў, абрадаў і традыцый. А мы спынілі свой выбар на наступных:
Не адзін год фотакарэспандэнты "Звязды" назіраюць праз аб'ектывы за працай беларускіх рамёснікаў. Ці бачылі вы, як працуюць разьбяры або як выдзімаюць шкляныя фігурныя вырабы? А ці назіралі вы, як плятуць з лазы кошыкі? Дзякуючы нам у вас ёсць магчымасць на свае вочы ўбачыць такі складаны, але разам з тым і цікавы вытворчы працэс...
У грамадстве існуюць тэмы, якія прынята лішні раз не згадваць у сяброўскіх гутарках. Іншая справа, наколькі гэта аргументавана, аднак... Нашы журналісты і фотакарэспандэнты дапамагаюць зазірнуць за гэтую "заслону няўвагі", паказваючы тое, пра што большасць людзей проста не задумваецца. Прапануем вам згадаць...
Гісторыю сапраўднага мужчынскага сяброўства
"Тэатр выратоўвае маральна". Рэпартаж з папраўчай калоніі
Адзін дзень з брыгадай хуткай дапамогі
"Наша служба и опасна и трудна, И на первый взгляд, как будто не видна". Песня Вадзіма Мулермана актуальная і дагэтуль для мноства прафесій. У іх ліку - вайскоўцы, міліцыянеры, лётчыкі, ратаўнікі... Адным словам тыя, хто жыве па статуце. Зрэшты, паназіраць за іх службай можна і з дапамогай нашых фотарэпартажаў - месцамі кранальных, месцамі ўважлівых...
Беларускія лётчыкі ўпершыню пасадзілі Су-25 на аўтатрассу ноччу
Сталічныя ратаўнікі зладзілі грандыёзнае шоў
На жаль, не толькі радасныя падзеі траплялі сёлета ў аб'ектывы нашых фотакарэспандэнтаў. Але, як кажуць французы, сэ ля ві. Ураганы, якія ўлетку накрылі краіну, а таксама жалоба па ахвярах катастрофы Ту-154 над Чорным морам - вачамі Анатоля Клешчука.
Ад разбуральнага ветру трагічна пацярпеў Лошыцкі парк
Да Пасольства Расіі ў Мінску бесперапынным патокам ідуць людзі
Але давайце адыдзем ад негатыўных падзей. І згадаем маштабныя дзеянні адыходзячага года. Напрыклад, на сцэне Вялікага тэатра оперы і балета ўпершыню быў пастаўлены знакаміты аднаактавы балет чэшскага харэографа-філосафа Іржы Кіліяна «Маленькая смерць». Пад Барысавам гісторыкі рэканструявалі бітву 1812 года. І, канешне, як жа абысціся без шыкоўнага мотапараду, прысвечанага закрыццю сезона, у якім удзельнічаў нават Прэзідэнт?
Гучная прэм'ера "Маленькай смерці"
Фотарэпартаж: як пад Барысавам правялі рэканструкцыю бітваў 1812 года
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.