Цяпер за звесткі аб наяўнасці жылых памяшканняў у заяўніка і членаў яго сям'і за шэсць каляндарных месяцаў, што папярэднічаюць месяцу звароту для налічэння безнаяўнай жыллёвай субсідыі па заяўным прынцыпе, грошы браць не будуць.
Аб гэтым рашэнні ўрада паведамляюць у прэс-службе Міністэрства жыллёва-камунальнай гаспадаркі. У міністэрстве нагадалі, што ў мэтах прыняцця рашэння аб налічэнні грамадзяніну жыллёвай субсідыі па заяўным прынцыпе службай субсідзіравання запытваюцца ў арганізацыі па дзяржаўнай рэгістрацыі нерухомай маёмасці звесткі аб жылых памяшканнях, якія належаць заяўніку і членам яго сям'і.
Кожная такая паперка каштуе грошай. І плаціць іх трэба было незалежна ад таго, дадуць чалавеку гэту субсідыю ці не. Цяпер менавіта за такія даведкі прэтэндэнты на субсідыю грошы плаціць не будуць.
Сяргей КУРКАЧ
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».