Змяненні, дэградацыя ў тканках міжпазваночных дыскаў, суставаў, звязак, касцявой тканкі могуць праяўляцца цяжкімі парушэннямі, здольнымі прывесці нават да страты працаздольнасці. Звязаныя з гэтым хранічныя захворванні адносяцца да групы так званых дэгенератыўна-дыстрафічных.
Адным з такіх захворванняў з'яўляецца дыскагенны радыкуліт, ад якога пакутуе пасля 30 гадоў кожны пяты. Што такое боль у спіне, ведае кожны чалавек, праўда, па медыцынскую дапамогу звяртаецца дзесьці каля 40 працэнтаў.
— Татальная камп'ютарызацыя, пераход ад фізічнай працы да разумовай прывёў да змяншэння рухальнай актыўнасці, зніжэння тонусу мышцаў, — тлумачыць урач-рэнтгенолаг 11-й гарадской паліклінікі г. Мінска Наталля ЦІХЕНЯ. — 80 працэнтаў часу пазваночнік знаходзіцца ў вымушаным паўсагнутым стане, а гэта расцягвае мышцы, якія згінаюць спіну, і зніжае іх тонус. Адсюль і праблема дыстрафіі пазваночнага слупа — хандрозы дыска, астэахандроз, спандылёз...
Касцявая тканка, як і любая іншая, можа абнаўляцца: чым большая нагрузка на пазванкі, тым актыўней утвараюцца новыя клеткі. Пры мышачнай гіпатаніі або пастаянным напружанні мышцаў парушаецца кровазварот у тканках, у мышцах і звязках узнікае запаленне. Паступова з'яўляюцца касцявыя нарасты, грыжы, змяшчэнні пазванкоў.
У шыйным аддзеле астэахандроз заявіць аб сабе ранішнім галавакружэннем, болем, шумам у вушах, млосцю і нават праблемамі са зрокам. Паралельна з галаўным можа ўзнікаць сардэчны боль. У выніку боль нарастае, а рухавасць шыі зніжаецца. Рукі могуць нямець і мерзнуць.
Дыстрафічныя змяненні выяўляюцца падчас рэнтгену шыйнага аддзела. Пры неабходнасці прызначаюць тамаграфічнае даследаванне.
Што рабіць у маладым узросце?
1. Пазбягаць пераахалоджвання і вільгаці — гэта першыя ворагі пазваночніка, які заўсёды павінен быць у цеплыні і сухасці.
2. Варта пазбягаць рэзкіх, празмерных фізічных нагрузак.
3. Офіснаму работніку неабходна адкідвацца на спінку крэсла кожныя паўгадзіны.
4. Становішча цела карысна часцей змяняць.
5. Праз кожныя гадзіну-паўтары трэба ўстаць з-за стала і пахадзіць хвілін 5-10.
6. Неабходна займацца фізкультурай, якая будзе ўмацоўваць мышцы спіны і прэса.
Святлана Барысенка
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
