Аб гэтым учора паведаміў начальнік галоўнага ўпраўлення падаткаабкладання фізічных асоб Міністэрства па падатках і зборах (МПЗ) Міхаіл РАСОЛЬКА.
Ён адзначыў, што сёння інспекцыямі накіравана больш за 240 тысяч паведамленняў на выплату збору тым, хто не ўдзельнічаў у фінансаванні дзяржаўных расходаў. «Збор заплацілі ўжо 12 тысяч чалавек, а ў бюджэт па гэтаму плацяжу паступіла больш за 3,7 млн рублёў. Пры гэтым трэба разумець, што ў грамадзян ёсць месячны тэрмін, каб разлічыцца з дзяржавай. Шмат у каго яшчэ не наступілі тэрміны аплаты, паколькі мы накіроўвалі паведамленні і ў канцы лістапада — пачатку снежня», — растлумачыў Міхаіл Расолька.
Начальнік галоўнага ўпраўлення падаткаабкладання фізічных асоб таксама адзначыў, што ў дэкрэт №3 «Аб папярэджанні сацыяльнага ўтрыманства» плануецца ўнесці змены. «На нядаўняй нарадзе ў кіраўніка дзяржавы ішла гаворка пра тое, што будзе пашырацца шэраг катэгорый грамадзян, на якіх будуць распаўсюджвацца льготы па аплаце збору. Павінны таксама быць прадугледжаны больш шырокія правы мясцовых выканаўчых органаў па прадастаўленні льгот у гэтай частцы», — адзначыў спецыяліст.
Сяргей КУРКАЧ
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.
