Вы тут

Усе школы Магілёўшчыны ўключаны ў фінансавы эксперымент


Пілотны праект па апрабацыі нарматыўнага фінансавання ўстаноў агульнай сярэдняй адукацыі будзе пашыраны. Адпаведнае рашэнне змяшчаецца ў пастанове Савета Міністраў ад 29 снежня 2016 года №1109.


У рамках эксперымента аб'ёмы фінансавання, што накіроўваюцца на навучанне і выхаванне, «прывязваюцца» да колькасці навучэнцаў.

У 2017 годзе праект, па якім грошы «ідуць» за вучнем, будзе рэалізоўвацца ў Баранавічах, Брэсце, Віцебску, Жодзіне, Наваполацку, Скідалі і Фаніпалі, Бераставіцкім, Лідскім і Салігорскім раёнах, Савецкім і Цэнтральным раёнах Гомеля, Першамайскім раёне Мінска, а таксама на тэрыторыі ўсёй Магілёўскай вобласці.

У 2016 годзе ў ім прынялі ўдзел 186 устаноў агульнай сярэдняй адукацыі, якія ахопліваюць 127,3 тыс. школьнікаў. Плануецца, што сёлета ў яго будуць ўцягнутыя 642 установы агульнай сярэдняй адукацыі і 292,1 тыс. школьнікаў.

Новы механізм прадугледжвае фарміраванне бюджэту ўстановы на падставе сярэднегадавых паказчыкаў колькасці навучэнцаў розных катэгорый (па ступенях навучання, колькасці дзяцей з асаблівасцямі псіхафізічнага развіцця і колькасці вучняў, якія наведваюць групы падоўжанага дня), нарматыву бюджэтнай забяспечанасці выдаткаў і карэктуючых каэфіцыентаў.

У 2017 годзе базавы нарматыў на аднаго навучэнца складае 1284,66 рубля ў год для гарадскіх школ і 2862,16 рубля — для школ, размешчаных у сельскай мясцовасці. Мяркуецца, што новы механізм забяспечыць больш рацыянальнае выкарыстанне бюджэтных сродкаў, што ў выніку адаб'ецца і на заробках педагогаў.

Надзея НІКАЛАЕВА

nіkalaeva@zvіazda.by

Загаловак у газеце: Арыфметыка адукацыі

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».