Вы тут

Шэдэўры беларускага іканапісу


Да светлага свята Раства Хрыстовага прадстаўляем выдатныя творы беларускага іканапісу XVI- XIX ст. Сярод іх такія шэдэўры як «Праабражэнне», «Успенне», іконы «Нараджэнне Багародзіцы» (XVII ст.), «Маці Божая Неўвядальны колер» (XVII ст.) і інш.

Падборка публікацый зроблена паводле выдання «Праваслаўны свет. Вобраз Хрыста ў іканаграфіі краін Усходняй Еўропы» (Мінск, Выдавецкі дом “Звязда”, 2015 год). Яно ўяўляе сабой каталог аднаіменнай выставы, прымеркаванай да 1025-годдзя Хрышчэння Русі, якое шырока адзначалася ў праваслаўных краінах у 2013 г. Экспазіцыя размяшчалася ў Нацыянальным мастацкім музеі Рэспублікі Беларусь (Мінск). На ёй былі прадстаўлены каля 90 твораў беларускага, рускага, сербскага і ўкраінскага іканапісу XIV-XIX ст. з музеяў Белграда, Кіева, Мінска, Масквы, Гродна і Полацка. Гэтыя шэдэўры розных эпох і школ злучыла агульная духоўная аснова - вобраз Заснавальніка хрысціянскай рэлігіі.

Творы беларускага іканапісу вызначаюцца вернасцю канону, але пры захаванні рэлігійнага зместу і іканаграфіі малюнка евангельскіх сюжэтаў узбагачаюцца рэальнымі прадметамі з паўсюдзённага побыту. Унікальная рарытэты захоўваюцца ў Нацыянальным мастацкім музеі, Музеі старажытнабеларускай культуры Цэнтра даследаванняў беларускай культуры, мовы і літаратуры Нацыянальнай акадэміі навук Беларусі, Гродзенскім дзяржаўным музеі гісторыі рэлігіі, Нацыянальным Полацкім гісторыка-культурным музеі-запаведніку.


НАРАДЖЭННЕ ХРЫСТОВАЕ

XVII ст.

Дрэва, ляўкас, тэмпера. 128×93

Нацыянальны мастацкі музей Рэспублікі Беларусь.

Паходзіць з царквы Аляксандра Неўскага, г. Пружаны Брэсцкай вобл.

Адзін з самых ранніх беларускіх абразоў на гэтую тэму.


ХРЫСТОС УСЕДЗЯРЖЫЦЕЛЬ

1678 г.

Дрэва, ляўкас, тэмпера. 133×72

Нацыянальны мастацкі музей Рэспублікі Беларусь.

Паходзіць з Мікольскай царквы, г. Пінск Брэсцкай вобл.


МАЦІ БОЖАЯ АДЗІГІТРЫЯ

1678 (?) г.

Дрэва, ляўкас, тэмпера. 134×72,5

Нацыянальны мастацкі музей Рэспублікі Беларусь.

Паходзіць з Мікольскай царквы, г. Пінск Брэсцкай вобл.


УВАСКРЭСЕННЕ – САШЭСЦЕ Ў ПЕКЛА

1678 г.

Дрэва, ляўкас, тэмпера. 121×90

Нацыянальны мастацкі музей Рэспублікі Беларусь.

Паходзіць з Спаса-Праабражэнскай царквы, г. Чачэрск Гомельскай вобл.

Абраз з Чачэрска - класічны і, разам з тым, унікальны ўзор беларускага іканапісу, бо гэта адзіная ікона XVII ст., уцалелая ў паўднёва-ўсходнім (Гомельскім) рэгіёне Беларусі.


ХРЫСТОС УСЕДЗЯРЖЫЦЕЛЬ

XVII ст.

Дрэва, ляўкас, тэмпера. 98×68

Музей старажытнабеларускай культуры Цэнтра даследаванняў беларускай культуры, мовы і літаратуры Нацыянальнай акадэміі навук Беларусі.

Паходзіць з царквы вёскі Кастыка Вілейскага р-на Мінскай вобл.


МАДОННА З ДЗІЦЁМ У ВЯНКУ

XVII ст.

Палатно, алей. 83×70

Музей старажытнабеларускай культуры Цэнтра даследаванняў беларускай культуры, мовы і літаратуры Нацыянальнай акадэміі навук Беларусі.

Паходзіць з Праабражэнскай царквы, г. Докшыцы Віцебскай вобл.


ХРЫСТОС – ВІНАГРАДНАЯ ЛАЗА

Пачатак XVIII ст.

Дрэва, ляўкас, алей. 98×62,5

Музей старажытнабеларускай культуры Цэнтра даследаванняў беларускай культуры, мовы і літаратуры Нацыянальнай акадэміі навук Беларусі.

Паходзіць з Васкрасенскай царквы, в. Альгомель Столінскага р-на Брэсцкай вобл.


Тамаш Міхальскі

УЗНЯСЕННЕ

1751 г.

Дрэва, ляўкас, тэмпера, алей. 121×83

Музей старажытнабеларускай культуры Цэнтра даследаванняў беларускай культуры, мовы і літаратуры Нацыянальнай акадэміі навук Беларусі.

Паходзіць з царквы Раства Багародзіцы, в. Дзівін Кобрынскага р-на Брэсцкай вобл.


БОГАЯЎЛЕННЕ

Сярэдзіна XVIII ст.

Дрэва, ляўкас, тэмпера. 122×84

Нацыянальны мастацкі музей Рэспублікі Беларусь.

Паходзіць з Пакроўскай царквы, в. Андронава Брэсцкай вобл.


ХРЫСТОС ВЯЛІКІ АРХІРЭЙ

Сярэдзіна XVIII ст.

Дрэва, ляўкас, тэмпера. 137,8×88

Нацыянальны мастацкі музей Рэспублікі Беларусь.

Паходзіць з Мікалаеўскай могілкавай царквы (1823), г. Пінск


ТАЙНАЯ ВЯЧЭРА

Сярэдзіна XVIII ст.

Дрэва, ляўкас, тэмпера. 76×91

Нацыянальны мастацкі музей Рэспублікі Беларусь.

Паходзіць з царквы в. Альшаны Столінскага р-на Брэсцкай вобл.


Васіль Маркіянавіч (1730–?, Слуцк)

ТРОІЦА (ГАСЦІННАСЦЬ АЎРААМА)

1761 г.

Дрэва, ляўкас, тэмпера. 108×95

Нацыянальны мастацкі музей Рэспублікі Беларусь.

Паходзіць з Пакроўскай царквы, с. Вялікі Рожан Салігорскага р-на Мінскай вобл.


ХРЫСТОС НА ПРАСТОЛЕ. МАЦІ БОЖАЯ ЗНАМЕННЕ

Другая палова XVIII ст.

Дрэва, ляўкас, тэмпера. 189×103,5×1,5

Нацыянальны мастацкі музей Рэспублікі Беларусь.

Паходзіць з Прачысценскай царквы, г. п. Шарашова Брэсцкай вобл.


ХРЫСТОС УСЕДЗЯРЖЫЦЕЛЬ

XVIII ст.

Дрэва, ляўкас, тэмпера. 104×82

Нацыянальны мастацкі музей Рэспублікі Беларусь.

Паходзіць з царквы Раства Багародзіцы, в. Лыскава, Пружанскага р-на Брэсцкай вобл.

Вобраз Спаса Усемагутнага з дзяржавай рэдка сустракаецца ў беларускім іканапісе. Ад строгіх франтальных малюнкаў Хрыста XVI-XVII ст., арыентаваных на візантыйскія ўзоры, абраз адрозніваецца свабодным размяшчэннем фігуры, лёгкім натуральным нахілам галавы.

Дэкаратыўнае рашэнне фону з буйнымі кветкавымі бутонамі, аналагі якіх можна знайсці на акладах, выкананых беларускімі майстрамі першай паловы XVIII ст., выканана пад уплывам распаўсюджанага на беларускіх землях мастацтва апрацоўкі металла.


УВАСКРЭСЕННЕ

Канец XVIII – пачатак XIX стст.

Дрэва, ляўкас, тэмпера. 32×25,8×3

Нацыянальны мастацкі музей Рэспублікі Беларусь

Паходжанне не ўстаноўлена.


 

Дадаць каментар

Выбар рэдакцыі

Эканоміка

 Эксперт: Да новага года рост цэн на нерухомасць спыніцца

Эксперт: Да новага года рост цэн на нерухомасць спыніцца

А калі і падрасце, то не больш чым на 0,5-1 працэнт.

Грамадства

Як і хто дапамагае змагацца з восамі ў кватэры?

Як і хто дапамагае змагацца з восамі ў кватэры?

Неяк ранкам я знайшла ў сябе на кухні некалькі вос. 

Культура

Форум тэатральнага мастацтва «ТЭАРТ» пакінуў на сэрцы рваныя раны

Форум тэатральнага мастацтва «ТЭАРТ» пакінуў на сэрцы рваныя раны

Мядзведзь на сцэне, Чэхаў на мове жэстаў і самая дакладная перадача стану дэпрэсіі.