Кілаваты — і днём, і ўначы

Сонечная электрастанцыя кругласутачна выпрацоўвае электрычнасць.

У кітайскім горадзе Дуньхуан (правінцыя Ганьсу) пачала сваю працу трэцяя ў свеце і першая ў Азіі сонечная электрастанцыя, аснашчаная ёмістасцю з расплаўленай соллю, перадае "Жэньмінь жыбаа" анлайн".

Гэтая электрастанцыя здольная выпрацоўваць электрычнасць кругласутачна. Яна назапашвае толькі сонечную энергію і не мае патрэбы ў энергіі іншых відаў. Такім чынам, генеруючы электраэнергію з сонца, яна скончыла з залежнасцю ад светлавых і ветравых умоў. На пачатковым этапе, гадавая выпрацоўка электраэнергіі задавальняе патрэбы 30 тысяч сям'яў, пры гэтым не адбываецца негатыўнага ўздзеяння на навакольнае асяроддзе. 

Поле складаецца з геліастатаў — люстэркаў, якія адсочваюць рух Сонца, па 115 кв. м, агульная плошча — 175 тысяч кв. м. На першым этапе праекта, які ўжо хутка заканчваецца, магутнасць генератарных агрэгатаў складае 10 МВт. А на другім этапе плануецца пабудаваць сонечную электрастанцыю з бакам з расплаўленай соллю, магутнасць генератарных агрэгатаў якой складае 100 МВт.  У верхняй частцы вежы размешчаны прыёмнік, які здольны факусаваць сонечныя прамяні, разаграваць расплаўленую соль і такім чынам, назапашваць энергію. Таму ўстаноўка дае электраэнергію не толькі днём, але і ўначы, прычым па-за залежнасці ад умоў надвор'я. 

Паводле разлікаў, пасля завяршэння другой стадыі праекта ў Дуньхуане, агульная магутнасць генератарных агрэгатаў павінна скласці 1110 МВт, а гадавая выпрацоўка электраэнергіі — 1,87 млрд кВт/гадз. Калі цана на электраэнергію застанецца на ўзроўні 0,9 юаня за кВт/гадз, то гадавы даход электрастанцыі будзе 1,7 млрд. юаняў ($246 млн.).