Вы тут

У Беларусі выходзіць больш за тысячу друкаваных выданняў


Брэсцкі раённы краязнаўчы альманах, які выдае Брэсцкі райвыканкам, ужо ўваходзіць у пяцігадовую гісторыю сваёй біяграфіі. Усяго пабачыла свет 16 штоквартальных выпускаў гэтага адмысловага масмедыя.


У новым, чацвёртым за 2016 год, нумары — ранейшыя традыцыйныя рубрыкі «Астрамечава і астрамечаўцы», «Народныя святы і звычаі Берасцейшчыны», «Чароўныя спевы і паданні спадчыны», «Скарбніца народных талентаў», «Літаратурная сядзіба», «Кніжная зала», «Карані», «Святло хрысціянства» і іншыя. Рэдактар і ўкладальнік альманаха пісьменнік Аляксандр Валковіч выбудоўвае прастору выдання такім чынам, што ўсе ці амаль усе матэрыялы маюць дачыненне да Брэсцкага раёна, ваколіц Брэста. Як і ранейшыя выпускі, чацвёрты (а ўвогуле — шаснаццаты) выпуск альманаха прыцягвае шырокай і грунтоўнай распрацоўкай фальклорнай, этнаграфічнай тэм. Як прыклад — артыкул доктара філалагічных навук, прафесара кафедры беларускага літаратуразнаўства Брэсцкага дзяржаўнага ўніверсітэта імя А.С. Пушкіна Іны Швед «Мікола — о, то був святок вялікі!», у якім ідзе размова пра ўшанаванне памяці свяціцеля і цудатворцы Мікалая (Святога Мікалая Цудатворцы, Мікалая Мірлікійскага, Мікалая Угодніка). Аповед дасведчанага вучонага (і, між іншым, навуковага кансультанта выдання) падаецца ўнікальнай фальклорнай, краязнаўчай экскурсіяй па розных паселішчах Берасцейшчыны.

Вельмі ўважлівы «Астрамечаўскі рукапіс» да майстроў дэкаратыўна-прыкладной творчасці, інсітнага, народнага мастацтва. Дарэчы, сярод тых, хто спрыяе выхаду альманаха ў свет, — і Брэсцкі раённы дом рамёстваў.

Варта заўважыць, што сапраўды ўнікальнае выданне, якое працуе на падтрымку народнай культуры, народных традыцый, робіцца зусім невялікімі творчымі сіламі. У большай ступені — на грамадскіх пачатках. І, канешне ж, генератарам, галоўнай творчай, арганізацыйнай сілай у выпуску «Астрамечаўскага рукапісу» выступае згаданы ўжо Аляксандр Валковіч. Член Саюза пісьменнікаў Беларусі, аўтар многіх кніг прозы і публіцыстыкі, ён прыклаў нямала намаганняў для развіцця краязнаўчага выдання, аб'яднаў вакол яго самых розных аўтараў. Поруч з Інай Швед кансультантам «Астрамечаўскага рукапісу» выступае доктар філалагічных навук прафесар Адам Мальдзіс. Неаднойчы пра альманах пісалі ў абласным і рэспубліканскім друку.

Кастусь ЛЕШНІЦА

Загаловак у газеце: Астрамечава і астрамечаўцы

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.