Працягваецца рэспубліканская дабрачынная акцыя «Нашы дзеці». Ваеннаслужачыя Брэсцкай пагранічнай групы ў гэтыя дні наведалі некалькі дзіцячых устаноў. А для выхаванцаў Брэсцкага сацыяльнага прытулка і дзяцей, якія выхоўваюцца ў прыёмных сем'ях абласнога цэнтра, была арганізаваная паездка ў рэзідэнцыю Дзеда Мароза.
Пасля наведвання сядзібы галоўнага навагодняга персанажа дзеці паехалі на самую сапраўдную пагранічную заставу «Перароў». Там яны ўбачылі ваенную тэхніку, зброю, службовых сабак, пабывалі ў музеі баявой славы. Юных гасцей пачаставалі салдацкім абедам, а ў канцы праграмы яны атрымалі навагоднія падарункі.
Як паведаміў кіраўнік прэс-службы Брэсцкай пагранічнай групы Аляксандр КІСЛОЎ, гэта была не адзіная сустрэча вартавых мяжы з юнымі грамадзянамі. Супрацоўнікі аддзяленняў памежнага кантролю «Варшаўскі мост» і «Брэст-пасажырская станцыя» павіншавалі са святамі выхаванцаў Кобрынскага дзіцячага дома. А супрацоўнікі аддзяленняў памежнага кантролю «Макраны», «Хаціслаў», «Маларыта» прыбылі ў цэнтр карэкцыйнага навучання і рэабілітацыі з віншаваннямі і падарункамі.
Святлана ЯСКЕВІЧ
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.