Вы тут

Volkswagen заплаціць ЗША $4,3 млрд з-за дызельнага скандалу


Вытворца аўтамабіляў Volkswagen пагадзіўся выплаціць уладам ЗША 4,3 млрд долараў для ўрэгулявання "эмісійнага скандалу".


Фота: Getty

Нямецкая кампанія таксама заявіла, што прызнае віну ў парушэнні некаторых амерыканскіх законаў.

Прадстаўнікі Volkswagen паведамілі, што знаходзяцца на завяршальным этапе перамоваў аб мiравым пагадненнi з амерыканскім міністэрствам юстыцыі і мытнай службай.

Выніковае пагадненне яшчэ павінна быць афіцыйна адобрана кіраўнікамі і назіральным саветам кампаніі; чакаецца, што гэта адбудзецца ў бліжэйшыя дні.

Па словах прадстаўнікоў Volkswagen, гаворка ідзе аб канкрэтным праекце пагаднення з амерыканскімі ўладамі, які прадугледжвае крымінальныя і адміністрацыйныя штрафы на агульную суму 4,3 млрд долараў, а таксама прызначэнне незалежнага органа для назірання за кампаніяй на працягу наступных трох гадоў.

Штрафы на суму 4,3 млрд долараў азначаюць, што ў агульнай складанасці выдаткі кампаніі ў сувязі са скандалам перавысяць 19,2 млрд долараў.

Да гэтага Volkswagen дамовіўся аб выплатах 15 млрд долараў для ўрэгулявання канфлікту з прыродаахоўнымі ўладамі і ўладальнікамі аўтамабіляў у ЗША.

ВВС

Выбар рэдакцыі

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.

Грамадства

Не трапіць у рабства анлайн. Як у краіне змагаюцца з гандлем людзьмі

Не трапіць у рабства анлайн. Як у краіне змагаюцца з гандлем людзьмі

З 2000 года ў Беларусі выяўлена 4421 злачынства, звязанае з гандлем людзьмі.