Вы тут

У БДУ распрацавалі сістэму дыстанцыйнага кардыяманіторынгу


Сістэму дыстанцыйнага кардыяманіторынгу «Начны дазор», якая дазваляе кантраляваць здароўе людзей у любы час сутак, распрацавалі ў БДУ.


Навуковая ідэя належыць кандыдату тэхнічных навук, дацэнту кафедры фізічнага выхавання і спорту БДУ Валянціну Ярмалінскаму. Над яе ўвасабленнем працуюць вучоныя БДУ, Беларускага дзяржаўнага медыцынскага ўніверсітэта, Акадэміі навук Беларусі, а таксама супрацоўнікі беларускай і расійскай прыборабудаўнічых кампаній.

Сістэма нацэлена на прафілактыку сардэчна-сасудзістых захворванняў у людзей, якія знаходзяцца ў групе рызыкі. У прыватнасці, гаворка ідзе пра забеспячэнне недарагімі прыборамі хворых, якія маюць патрэбу ў дамашнім і начным кардыяманіторынгу, людзей, якія праходзяць постынфарктную рэабілітацыю, перанеслі аортакаранарнае шунціраванне і іншых. У групу рызыкі ўваходзяць таксама і спартсмены: для іх важна кантраляваць стан сэрца ў першыя гадзіны пасля трэніроўкі. А падчас спаборніцтваў вельмі важны і начны кантроль за арганізмам.

Рэалізацыя праекта забяспечыць новы ўзровень аказання медыцынскай дапамогі, заснаванай на адначасовым узаемадзеянні службаў медыцынскай дапамогі, надзвычайных сітуацый, праваахоўных органаў і іншых. Пацыенты будуць знаходзіцца пад пільным кантролем мабільных праграм, устаноўленых на смартфонах карыстальнікаў, а таксама праграм на галаўным вэб-серверы. Экстранныя службы адрэагуюць адразу пасля атрымання трывожнага сігналу ад аператара ці непасрэдна ад кардыягаджэта. Гэты апарат уяўляе сабой бесправадны кішэнны прыбор, які ажыццяўляе ЭКГ, экспрэс-дыягностыку і самакантроль узроўню псіхаэмацыянальнага і фізічнага стрэсу, выяўляе вегетатыўныя парушэнні, забяспечвае кантроль дынамікі фізічнай працаздольнасці пры постынфарктнай рэабілітацыі і фізічнай самападрыхтоўцы. Мяркуецца, што «Начны дазор» дазволіць зменшыць колькасць раптоўных смяротных выпадкаў, якія адбываюцца з-за немагчымасці хуткага аказання медыцынскай дапамогі.

У цяперашні час атрыманы першыя вынікі тэрміновага і дыстанцыйнага маніторынгу стану сэрца ў студэнцкім асяроддзі. Студэнты тэсціруюцца ў лабараторыі, на занятках фізічнай культурай і спортам, у гадзіны начнога сну, пры рабоце за камп'ютарам і ў іншых сітуацыях. База даных, што фарміруецца, дапамагае адпрацаваць алгарытм работы праграмнага забеспячэння. Серыйную вытворчасць прыбораў плануецца распачаць у бягучым годзе ў прыборабудаўнічых кампаніях Беларусі.

Надзея НІКАЛАЕВА

nіkаlаеvа@zvіаzdа.bу

Загаловак у газеце: «Начны дазор» за сэрцам

Дадаць каментар

Выбар рэдакцыі

Грамадства

Уладзімір Краўцоў пра тое, як будзе развівацца Гродзенская вобласць

Уладзімір Краўцоў пра тое, як будзе развівацца Гродзенская вобласць

Кіраўнік Гродзенскай вобласці — аб розніцы паміж усходам і захадам, паразуменні фермераў і буйных агракомплексаў, спосабах прыцягнення турыстаў і прыватнай ініцыятыве ў рэстаўрацыі будынкаў.

Грамадства

Смеццевы калапc: рэальная пагроза?

Смеццевы калапc: рэальная пагроза?

Як у нашай краіне вырашаецца праблема з утварэннем і ўтылізацыяй адходаў.

Грамадства

У Мінск прыляцела даўгахвостая кугакаўка

У Мінск прыляцела даўгахвостая кугакаўка

Сенсацыя ў свеце беларускай фаўны — у Мінск прыляцела сава-«чырванакніжніца».

Грамадства

Колькі прадуктаў і адзення нам неабходна для нармальнага жыцця?

Колькі прадуктаў і адзення нам неабходна для нармальнага жыцця?

Колькі малака і яек беларус ужывае за месяц?