У Беларусі выбралі самых лепшых журналістаў, якія пішуць пра навуку. Сярод пераможцаў — і наш калега-звяздовец.
Кажуць, што снарад двойчы ў адну варонку не трапляе. Не ведаем, не ведаем. Спецыяльны карэспандэнт «Звязды» Яраслаў Лыскавец стаў адным з пераможцаў конкурсу на самае лепшае прадстаўленне навуковых дасягненняў 2016 года ў сродках масавай інфармацыі, які праводзіць Нацыянальная акадэмія навук, трэці раз запар! Адпаведнае рашэнне прыняло Бюро Прэзідыума НАН Беларусі. Наш малады калега ўшанаваны апроч іншых у намінацыі «найлепшая публікацыя» за цыкл артыкулаў пра дасягненні навукоўцаў у мінулым годзе.
Конкурс НАН Беларусі на самае лепшае прадстаўленне навуковых дасягненняў 2016 года ў сродках масавай інфармацыі праводзіўся сёмы раз па чатырох намінацыях: «найлепшая публікацыя», «найлепшы сюжэт (праграма) на радыё і тэлебачанні», «найлепшае прадстаўленне дасягненняў НАН Беларусі ў сетцы інтэрнэт» і «найлепшая публікацыя ў навукова-папулярным выданні». Па кожнай з намінацый прысуджаны тры прэміі. У конкурсе прынялі ўдзел як прафесійныя журналісты, так і непрафесійныя аўтары. Усяго было прадстаўлена больш за 80 работ 32 аўтараў. Віншуем Яраслава, віншуем пераможцаў — калег па цэху!
Звяздоўцы
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.