Вы тут

Фігуранты «справы графіцістаў» падалі іск аб абароне гонару і годнасці


На думку Вадзіма Жаромскага, Максіма Пякарскага і Вячаслава Касінерава, якім у 2015 годзе было прад'яўлена абвінавачанне ў хуліганстве і пашкоджанні маёмасці, Следчы камітэт размясціў на сваім сайце недакладную інфармацыю.


Маладыя людзі былі асуджаны за нанясенне графіці і закід фарбай білбордаў з выявай супрацоўнікаў міліцыі. Падчас разбіральніцтваў, 22 жніўня 2015 года, Следчы камітэт апублікаваў паведамленне пра затрыманне «хуліганаў за серыю наўмысных дзёрзкіх выхадак», таксама адзначалася, што некаторыя выданні спрабуюць надаць ім «статус актывістаў, якія выказваюць свае палітычныя думкі». Істцы сцвярджалі, што гэта, нягледзячы на тое, што канкрэтныя імёны і прозвішчы не называюцца, ускосным чынам паказвае на іх, акрамя таго, да хуліганаў іх прылічылі неабгрунтавана, да вынясення прысуду. Дарэчы, абвінавачанні ў хуліганстве пазней знялі. Таксама ў тэксце сказана, што ўстаноўлены факты распаўсюджвання затрыманымі экстрэмісцкіх матэрыялаў, у прыватнасці тых, якія маюць нацысцкую сімволіку і атрыбутыку, і выказванняў, якія абражаюць ветэранаў Вялікай Айчыннай вайны. На сайце СК была змешчана інфармацыя, што «ў зламыснікаў знойдзены і канфіскаваны траўматычны пісталет», які, як пасля высветлілася, аказаўся пнеўматычным.

Істцы патрабавалі абвяржэння інфармацыі, матэрыяльная кампенсацыя іх не цікавіла. Бок абвінавачання спрабаваў апеляваць тым, што многія інтэрнэт-выданні, узяўшы за аснову паведамленне Следчага камітэта, апублікавалі артыкулы з указаннем імёнаў і прозвішчаў. Аднак суддзя Андрэй Кочык адмовіў у далучэнні да матэрыялаў справы раздрукоўкі артыкулаў у прэсе. Прадстаўнікі Следчага камітэта растлумачылі безгрунтоўнасць іску тым, што інфармацыя падавалася, зыходзячы з абставін крымінальнай справы, але, з прычыны таго, што персанальных даных у тэксце няма, ідэнтыфікаваць асобы абвінавачаных немагчыма. Так што іх гонар і годнасць не маглі быць закранутыя. Суд Партызанскага раёна Мінска адмовіў у задавальненні іску.

Дар'я КАСКО

kаskо@zvіаzdа.bу

Загаловак у газеце: Абвяржэння не будзе

Выбар рэдакцыі

Грамадства

Заразіцца прафесіяналізмам. Чаму трапіць на неканферэнцыю настаўнікаў EdCamp лічыцца вялікай удачай?

Заразіцца прафесіяналізмам. Чаму трапіць на неканферэнцыю настаўнікаў EdCamp лічыцца вялікай удачай?

Чацвёртая педагагічная неканферэнцыя прайшла ў мінулыя выхадныя з нязменным аншлагам і сабрала больш як тры сотні педагогаў з розных куткоў нашай краіны.

Спорт

Марына Літвінчук: Нашы дзеці будуць лепшыя, чым мы

Марына Літвінчук: Нашы дзеці будуць лепшыя, чым мы

Да старту Алімпійскіх гульняў у Токіа засталося менш за год. Увага да галоўных стартаў ужо пяцігодкі будзе каласальная.

Культура

Драматург Ксенія Шталянкова: Я думала — мяне разарве ад эмацыянальнай перанасычанасці

Драматург Ксенія Шталянкова: Я думала — мяне разарве ад эмацыянальнай перанасычанасці

П'еса, якой адкрыўся фестываль ТЭАРТ, прысвечана Мінскаму гета.

Грамадства

Час памятаць. Жыццёвы шлях Аляксандра Чарвякова — першага кіраўніка БССР

Час памятаць. Жыццёвы шлях Аляксандра Чарвякова — першага кіраўніка БССР

Сто гадоў таму ў верасні—кастрычніку 1920 года вакол беларускіх зямель разыгралася сапраўдная драма — у Рызе паміж Расіяй і Польшчай пачаліся перагаворы аб аддзяленні на карысць апошняй часткі тэрыторый Беларусі.