Вы тут

Сёлета ў Монтэ-Карла будуць выступаць канатаходцы мазырскай «Арэны»


Мазырскі цэнтр цыркавога мастацтва «Арэна» другі год запар будзе прадстаўляць Беларусь на самым прэстыжным міжнародным юнацкім цыркавым фестывалі «Новае пакаленне», які адбудзецца з 4 па 5 лютага ў горадзе Монтэ-Карла. Летась трыа паветраных гімнастаў прывезла з княства Манака спецыяльныя прызы. Сёлета ў Монтэ-Карла будуць выступаць канатаходцы «Арэны».


У нумары ўдзельнічаюць артысты ад 13 да 20 гадоў. Беларусы плануюць здзіўляць журы і публіку неверагодна складанымі трукамі: праехаць па канаце на роліках, на адным коле, прайсці з партнёрамі на плячах, а затым — з заплюшчанымі вачыма. Усе гэтыя і іншыя трукі выконваюць падлеткі. Зрабіць падобнае ніхто з іх аднагодкаў на постсавецкай прасторы пакуль не спрабаваў. Між тым на міжнародным фестывалі ў Кіеве, які праходзіў летась, нумар канатаходцаў ужо атрымаў Гран-пры.

Нумар складаны тэхнічна, таму абсталяванне для яго будзе дастаўляцца ў Манака з Мазыра. З сабой бяруць і майстра, які гэта зробіць прафесійна. Мастацкі кіраўнік студыі цыркавога мастацтва «Арэна» Марыя Кузняцова гаворыць, што спрабавалі па сваім цыркавым вопыце ўзнавіць нумар знакамітых савецкіх канатаходцаў Валжанскіх:

— Вядома, мы ўнеслі сюды вельмі шмат сваіх сакрэтаў, сваіх новых трукаў. Тых, каго адзначаюць на конкурсе ў Монтэ-Карла, звычайна чакае поспех у будучыні, бо на гэтым фестывалі прысутнічаюць, як правіла, усе знакамітыя імпрэсарыа свету.

Мазырскай цыркавой студыі — дзесяць гадоў. Аматарскі калектыў паспяхова гастралюе па краіне і дае да пяці сур'ёзных канцэртаў у месяц. Чатырнаццаць юных артыстаў з'яўляюцца лаўрэатамі спецыяльнага фонду Прэзідэнта па падтрымцы таленавітай моладзі.

Ірына АСТАШКЕВІЧ

іоst@zvіаzdа.bу

Загаловак у газеце: «Арэна» на канаце

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».