Заключныя мерапрыемствы ў рамках абласной дабрачыннай акцыі «Цуды на Каляды» прайшлі ў сядзібе XІX стагоддзя ў Чырвоным Беразе Жлобінскага раёна.
Валанцёры руху «Добрае Сэрца» БРСМ і піянеры-цімураўцы ў кожным раёне Гомельшчыны ў навагоднія дні дарылі дзецям свята. Больш чым чатыром тысячам дзяцей, дзякуючы ахвяраванням грамадзян і спонсарскіх арганізацый, яны сабралі падарункаў на суму каля Br30 тыс. У Чырвоным Беразе дзеці пабывалі на экскурсіі, пасля чаго ў Палацы культуры Жлобіна для іх прайшло тэатралізаванае навагодняе прадстаўленне. Кожны з 50 выхаванцаў сацыяльна-педагагічных прытулкаў Гомельскай вобласці атрымаў падарункі: спартыўны інвентар, цацкі, канцылярскія тавары...
— Да таго ж на завяршэнне Года культуры піянеры і Саюз моладзі зрабілі важны ўнёсак у захаванне гісторыка-культурнай спадчыны нашага рэгіёна, — расказаў старшыня Гомельскай абласной піянерскай арганізацыі Арцём Карпенка. — Маладыя людзі сабралі і перадалі на рэстаўрацыю сядзібы ў Чырвоным Беразе Br4,5 тыс.
Ірына АСТАШКЕВІЧ
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
