Вы тут

БДУ запрашае ў Лагойск на Дзень студэнта


25  студзеня Беларускі дзяржаўны ўніверсітэт арганізуе спартыўна-аздараўленчую акцыю “Канікулы ў Лагойску”.  Мерапрыемства прымеркаванае да святкавання Таццянінага дня. Як вядома, святая пакутніца Таццяна лічыцца заступніцай усіх студэнтаў.


Фота: bsu.by

Асноўныя дзеянні разгорнуцца ў гэты дзень на базе гарналыжнага спартыўна-аздараўленчага комплексу “Лагойск”.

На студэнцкае свята запрошана алімпійская чэмпіёнка 2014 года ў фрыстайле Ала Цупер. На сустрэчы з ёй студэнты і супрацоўнікі БДУ змогуць даведацца пра яе спартыўныя планы, кар'еру, задаць любое пытанне. Акрамя таго, спартсменка ўзнагародзіць пераможцаў лыжнай эстафеты. Медалі будуць разыграны паміж камандамі студэнтаў, супрацоўнікаў і дэканаў БДУ.

Для ўсіх гасцей студэнцкага свята падрыхтавана насычаная праграма. Будуць працаваць зоны актывацыі, дзе ўсе ахвотныя змогуць правераць свае сілы ў ціры, на атракцыёнах  “вялікі футбол”, “сумо” і іншых. Таксама ва ўсіх удзельнікаў будзе магчымасць пракаціцца на горных лыжах, санках, сноўбордах, цюбінгах і г.д. Разам са студэнцкай моладдзю на лыжню стануць дырэктар Мінскага духоўнага вучылішча протаіерэй Іаан Задарожын.

Удзельнікам  “Канікул у Лагойску” можа стаць любы студэнт пры ўмове валодання навыкамі катання на горных лыжах і сноўбордзе.

Арганізатарам мерапрыемства выступіла пярвічная прафсаюзная арганізацыя студэнтаў БДУ.

Надзея НІКАЛАЕВА

Выбар рэдакцыі

Грамадства

Пастырскае Пасланне Мітрапаліта Тадэвуша Кандрусевіча на Вялікдзень

Пастырскае Пасланне Мітрапаліта Тадэвуша Кандрусевіча на Вялікдзень

Глыбокапаважаныя святары, кансэкраваныя асобы, браты і сёстры!

Грамадства

Рэспубліканскі суботнік прайшоў у Беларусі

Рэспубліканскі суботнік прайшоў у Беларусі

Ён прымеркаваны да Года малой радзімы.

Культура

Карэспандэнты «Звязды» сустрэліся са сваячкай Паўліны Мядзёлкі

Карэспандэнты «Звязды» сустрэліся са сваячкай Паўліны Мядзёлкі

12 верасня 1893 года ў сям'і Вінцэнта і Францішкі Мядзёлкаў нарадзілася дачка, якой далі прыгожае імя Паўліна. 

Культура

Вольга Падгайская: Калі праект і здараецца, то ў якасці ледзь не выключэння

Вольга Падгайская: Калі праект і здараецца, то ў якасці ледзь не выключэння

Гэта трэба, канешне, проста паслухаць — музыку аднаго з найдзіўнейшых сучасных беларускіх кампазітараў.