11-гадовы хлопчык працягвае знаходзіцца ў Барысаўскай цэнтральнай раённай бальніцы пасля ін'екцыі антыбіётыка «Цэфтрыяксон». Дзіця пачало траціць прытомнасць і задыхацца праз некалькі хвілін пасля ўвядзення прэпарату. Раней у сувязі з гібеллю пасля такой жа ін'екцыі жыхаркі Маладзечанскага раёна паведамлялася аб прыпыненні продажу парашка для ін'екцыйнага раствору «Цэфтрыяксон» і раствору для ін'екцый «Лідакаін гідрахларыд» (звычайна антыбіётык уводзіцца менавіта ў спалучэнні з абязбольвальным). Медустановам рэкамендавана аддаваць перавагу таблетаваным формам.
— Анафілактычны шок адносіцца да алергічных рэакцый, а яны могуць сустракацца ў любым узросце ў любога чалавека, які ўпершыню сутыкнуўся з тым ці іншым рэчывам, — тлумачыць намеснік галоўнага ўрача па медыцынскай частцы 17-й гарадской дзіцячай клінічнай паліклінікі Мінска Ала ЗУБАВА. — Немагчыма загадзя прадбачыць, на што можа ўзнікнуць рэакцыя, — на ўкус насякомага, на прадукт харчавання або пылок раслін, лекі і г.д. Анафілактычны шок — паталогія рэдкая, і гэта сур'ёзная пагроза жыццю. Даваць такую рэакцыю можа не толькі «Цэфтрыяксон», але і «Лідакаін», аб чым больш вядома ўрачам-стаматолагам.
Арсенал таблетаваных антыбіётыкаў, у тым ліку новага пакалення, досыць вялікі, аднак у ін'екцыйнай форме іх колькасць абмежаваная, таму цалкам адмовіцца ад добра вядомага «Цэфтрыяксону» немагчыма. Акрамя таго, рэакцыя можа ўзнікнуць і на таблетку. Але мы павінны лячыць, прызначаць лекі, якія — і гэта не сакрэт — маюць пабочныя эфекты. Усе ўрачы валодаюць гэтай інфармацыяй, навучаны правільнаму алгарытму аказання першай меддапамогі пры ўзнікненні анафілактычнага шоку. Па кожным такім выпадку праводзіцца дасканалы разбор.
Святлана БАРЫСЕНКА
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
