Ураду Брытаніі спатрэбіцца згода парламента, каб ініцыяваць выхад з Еўрасаюза, пастанавіў Вярхоўны суд.
Суд, такім чынам, падтрымаў лістападаўскае рашэнне Высокага суда Лондана, які пастанавіў, што ўраду для фармальнага запуску перамоваў з Брусэлем аб выхадзе з ЕС патрэбнае адабрэнне парламента.
Акрамя таго, суд пастанавіў, што для выхаду з Еўрасаюза уладам Вялікабрытаніі трэба правесці кансультацыі з прадстаўнікамі Шатландыі, Уэльса і Паўночнай Ірландыі.
Гаворка ідзе пра прывядзенне ў дзеянне артыкула 50 Лісабонскай дамовы, у якой гаворыцца аб выхадзе краіны з Еўрасаюза.
На слуханнях у Вярхоўным судзе не разглядалася пытанне, выходзіць Брытаніі з ЕС ці не. Усе бакі згодныя, што гэтае пытанне было вырашана на рэферэндуме 23 чэрвеня 2016 года, калі амаль 52% тых, хто прыйшоў на ўчасткі, прагаласавалі за выхад.
Урад Тэрэзы Мэй настойвае, што міністры могуць ініцыяваць перамовы аб "брэксіце" ў адпаведнасці з каралеўскай прэрагатывай - паўнамоцтвы заключаць і разрываць дамовы. Юрысты урада таксама сцвярджаюць, што парламент прыняў заканадаўства аб рэферэндуме, усведамляючы, да чаго гэта можа прывесці, - і не запатрабаваў для сябе канчатковага слова.
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.