Вы тут

Перадача «Чакай мяне. Беларусь» вернецца ў эфір


Вітаю, дарагая рэдакцыя газеты «Звязда»! Піша вам пенсіянерка. Шмат гадоў я глядзела тэлеперадачу «Чакай мяне. Беларусь», але з восені яна перастала выходзіць у эфір. Я хачу даведацца, чаму? Можа быць, яна з пачатку новага года зноў будзе выходзіць?

Рэгіна Данілаўна Ліпніцкая, вёска Возера Уздзенскага раёна.


Перадача «Чакай мяне. Беларусь» — мая любімая. Ніколі яе не прапускаў, глядзеў кожны выпуск, бо заўсёды краналі гісторыі герояў. Вельмі шкада, што яна знікла з тэлевізійнай праграмы. Ці плануецца яе вяртанне на экраны?

Тадэвуш Антонавіч Садоўскі, вёска Далгінава Вілейскага раёна.

Як расказала на наш запыт прэс-сакратар тэлеканала АНТ Юлія Дубоўская, цяпер усе гісторыі, звязаныя з пошукам суайчыннікаў на тэрыторыі нашай краіны, выходзяць у аднайменнай з перадачай рубрыцы ў праграме «Наша раніца». У такім фармаце яна будзе трансліравацца яшчэ некалькі месяцаў, пасля чаго, сапраўды, плануецца вярнуць у эфір саму перадачу «Чакай мяне. Беларусь». Чаму яна на нейкі час знікла з экранаў? Гэта звязана з тэхнічнымі прычынамі. Як вядома, у Расіі перадача запісваецца з усіх краін, мы бралі толькі частку з расійскімі вядучымі. Была праблема з гэтым самым запісам са спадарожніка. Але, паколькі вельмі многія тэлегледачы палюбілі перадачу і чакалі яе, было вырашана часова выпускаць тыя гісторыі, якія ўжо былі знятыя, у фармаце паўнацэннай рубрыкі. Напрыканцы Юлія Дубоўская параіла аматарам «Чакай мяне. Беларусь» сачыць за тэлепраграмай, каб не прапусціць яе вяртанне ў эфір у ранейшым фармаце.

Сяргей РАСОЛЬКА

rs@zviazda.by

Загаловак у газеце: Чакайце, гледачы, перадача вернецца ў эфір

Выбар рэдакцыі

Эканоміка

У Брэсцкай вобласцi першымi ўкаранiлi практыку выязных прыёмаў дзяржрэгiстратараў

У Брэсцкай вобласцi першымi ўкаранiлi практыку выязных прыёмаў дзяржрэгiстратараў

Хто валодае нерухомай маёмасцю альбо ўчасткам зямлi, ведае, як важна мець адпаведныя дакументы на сваю ўласнасць.

Эканоміка

Як генафонд раслін адаптуецца да змен клімату

Як генафонд раслін адаптуецца да змен клімату

Работа па вывучэннi генетычных рэсурсаў раслiн у Беларусi была пачата яшчэ ў 20-я гады мiнулага стагоддзя.

Грамадства

Паэт Iван Юркiн: З жонкай упершыню пацалаваўся ў дзень вяселля 47 год таму

Паэт Iван Юркiн: З жонкай упершыню пацалаваўся ў дзень вяселля 47 год таму

Песнi на вершы Iвана Юркiна карыстаюцца вялiкай папулярнасцю. Хто не ведае гiмна гасцiннасцi нашай краiны — «Прыязджайце да нас у Беларусь»? Вось таму было цiкава пазнаёмiцца з музай паэта — яго жонкай Надзеяй Iванаўнай.