Не, вас не падводзіць зрок, вы ўсё правільна прачыталі. Піўная ёга распачала сваё шэсце са знакамітага фестывалю Burnіng Man, які славіцца разняволеным самавыяўленнем, і заквітнела ў Германіі і Аўстрыі — у краінах, дзе піва вартае таго, каб прыносіць яго нават на заняткі для дасягнення духоўнага прасвятлення.
Прафесійны інструктар ёгі Джула запрыкмеціла ў свой час на невадскім фестывалі хіпі, якія спрабавалі зрабіць звыклыя практыкаванні і пры гэтым не жадалі перарываць прыемную весялосць, стварыла і развіла брэнд BіerYoga. Згодна з яго канцэпцыяй, піўны геданізм разам з канцэнтрацыяй, якую дае ёга, могуць выдатна дапоўніць адзін аднаго і даць калі не прасвятленне, дык хоць бы выдатны адпачынак пасля працоўнага тыдня.
З нядаўніх часоў піўная ёга перасекла акіяны і моры і прызямлілася ў Аўстраліі — са студзеня BіerYoga праводзіць заняткі ў Сіднеі. Напэўна, людзі раптам зразумелі, што піва дапаможа ім перамагчы ў сабе сарамлівасць перад групавымі заняткамі або недавер да ўсходніх практык.
У берлінскай студыі гадзінны занятак каштуе 5 еўра, дзве бутэлечкі піва або шандзі (сумесь звычайнага піва з імбірным ці ліманадам) абыдуцца яшчэ ў 6 еўра. Мяркуецца, нашым людзям гэтая заходняя ідэя можа вельмі спадабацца, асабліва мужчынам як варыянт баўлення часу ў вечар пятніцы. Бо, ну што можа быць лепшым за бутэльку прахалоднага піва вечарам? Хіба што ёга. Таму з нецярпеннем чакаем, калі і да нас дабярэцца BіerYoga.
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
