Пра гэта сведчаць вынікі рэспубліканскага апытання сярод моладзі, праведзенага Маладзёжнай лабараторыяй сацыялагічных даследаванняў ЦК БРСМ напярэдадні Дня беларускай навукі.
У даследаванні прынялі ўдзел 1,2 тысяча маладых людзей ва ўзросце ад 16 да 31 года, якія пражываюць у гарадах і сельскай мясцовасці. Апытанне праходзіла з 7 па 21 студзеня 2017 года.
Рэспандэнтам былі прапанаваны пытанні, якія ацэньваюць іх актыўнасць у навуковай сферы, вызначаюць круг цікавых для моладзі навуковых тэм, вымяраюць узровень дасведчанасці моладзі аб навуковых дасягненнях і іншыя.
У сярэднім свой узровень дасведчанасці аб беларускай навуцы, навуковых дзеячах і апошніх навуковых дасягненнях рэспандэнты ацэньваюць на 4 бала з 10. Нягледзячы на гэта большасць рэспандэнтаў паведамілі, што навукай і навуковымі дасягненнямі яны ўсё ж такі цікавяцца. Папулярнымі крыніцамі навуковай інфармацыі для моладзі з'яўляюцца навуковыя і навукова-папулярныя сайты і блогі, а таксама групы і суполкі ў сацыяльных сетках, прысвечаныя навуцы. Аб кар'еры навукоўца задумваецца 21% рэспандэнтаў. Круг галін, у якіх яны хацелі б працаваць, уключае каля 40 розных профіляў, самыя папулярныя - медыцына і вывучэнне космасу. Рэспандэнты лічаць прафесію вучонага больш прэстыжнай, чым прафесіі ўрача, інжынера, юрыста, бухгалтара, кухара, настаўніка, маркетолага або журналіста. Пры гэтым у ступені прэстыжнасці вучоны прайграе IT-распрацоўшчыку, пілоту і ваеннаслужачаму. Пытанні, якія закранаюцца ў даследаванні, вельмі актуальныя,. паколькі амаладжэнне кадраў і перспектывы развіцця навуковай галіны напрамую залежаць ад стаўлення маладога пакалення да навуковай дзейнасці.
Надзея НІКАЛАЕВА
З усіх куточкаў Беларусі.
Яе песні займаюць першыя радкі ў музычных чартах краіны, пастаянна гучаць на радыё і тэлебачанні.
