Вы тут

Настрой на нулі? Змяніце імідж!


Застой у справах, спрэчкі з блізкімі, няздзейсненыя планы — не дзіва, што дрэнны настрой становіцца нашым пастаянным спадарожнікам. Але, як вядома, свет такі, якім бачым яго мы.


1. Перш за ўсё — выспіцеся. Часта свет бачыцца ў шэрых адценнях толькі з-за хранічнага недасыпання і назапашанай стомленасці. Наладзьце сабе «сонны» выхадны, папесціцеся ў ложку сярод свежых, абавязкова прыгожых прасцін. Не паскупіцеся набыць новы камплект спецыяльна для гэтага выпадку. Чорны шаўковы, белы з карункамі або «дзіцячы» з вясёлымі мішкамі — выбірайце на свой густ, а не з меркаванняў практычнасці.

2. Стапрацэнтна бяспройгрышны спосаб — заняцца сваёй знешнасцю. Трохі абнавіць вобраз або кардынальна змяніць імідж? Схадзіць на масаж або ў салярый? А можа, вам проста хочацца парадаваць сябе паходам у салон прыгажосці? Спецыфічны пах, стракатанне нажніц, стосы часопісаў, зручныя крэслы і вялікія люстэркі — усё гэта ўжо само па сабе нядрэнная «тэрапія».

3. Наведайцеся ў фотасалон. Напэўна, у вас на камп'ютары назбіралася нямала выдатных фотаздымкаў, якія нядрэнна было б надрукаваць, ды ўсё рукі не даходзяць. Няхай дойдуць! Зрабіце здымкі вялікага фармату, аформіце ў прыгожыя рамкі, «навядзіце дызайн» на пустой сцяне ў гасцёўні.

4. Купіце новую кнігу з кулінарнымі рэцэптамі — абавязкова з глянцавымі старонкамі і апетытнымі карцінкамі. Вось убачыце: як толькі дом напоўніцца смачнымі водарамі прыгатаваных вамі страў, спрэчкі з блізкімі адразу ж сыдуць на нішто.

5. Як даўно вы былі ў парку? Ці хаця б проста гулялі па ціхіх вулачках роднага горада? А на прыроду калі апошні раз выязджалі? І зусім не мае значэнне, якая цяпер пара года. Паспрабуйце адарвацца ад інтэрнэту, адкладзіце ўсе справы, адыдзіце далей ад гарадской мітусні і шуму, падарыце сабе крышачку спакою, цішыні і яднання з прыродай і адчуеце, як жыццёвая энергія зноў вяртаецца да вас.

6. Запішыцеся, нарэшце, на фітнес або танцы! Даўно ж купілі касцюм для заняткаў, але ён усё так і ляжыць без справы? Сумняваецеся, наколькі хопіць вашага спартыўна-танцавальнага запалу? Схітруйце: знайдзіце ўстановы, дзе першыя (азнаямленчыя) заняткі праходзяць бясплатна. Схадзіце туды, сюды... І, як кажуць псіхолагі, дамінанту разрадзіце, і з трэнерамі «за так» пакантактуеце.

7. Перагледзьце любімыя фільмы. Толькі абавязкова жыццесцвярджальныя і з хэпі-эндам. «Красуня» або «У джазе толькі дзяўчаты» — тое, што доктар прапісаў.

8. Паслухайце музыку. Так ужо ўстроены чалавек: калі яму дрэнна, яго так і падмывае паслухаць што-небудзь тужлівае, каб зашчаміла і без таго змучанае сэрца. Пад такую мелодыю пачынаеш шкадаваць сябе яшчэ больш — які ўжо тут добры настрой. Таму — на злосць свайму цяперашняму стану —
зарадзіце сабе цэлы кактэйль мажорных акордаў, падбадзёрлівых, энергічных. Вось пад такую музыку сядзець і журыцца неяк... няёмка нават.

9. Прайдзіцеся па крамах. А каб не захапіцца і не кусаць потым локці, абмяжуйце сябе ў фінансах, паклаўшы ў кашалёк сціплую суму. Прагуляйцеся, азнаёмцеся з тэндэнцыямі, прымерайце тое, што спадабаецца. Памятайце, ваша задача — падняць сабе настрой, а зрабіць гэта дапаможа нават невялікая пакупка: пара супермодных калготак ці пальчатак.

10. А гэты пункт — цалкам на ваша меркаванне. Пафантазіруйце, зрабіўшы стаўку на свежасць і вастрыню пачуццяў.

Вера ФЕМІНА

femina@zviazda.by

Выбар рэдакцыі

Эканоміка

У Брэсцкай вобласцi ўкаранiлi практыку выязных прыёмаў дзяржрэгiстратараў

У Брэсцкай вобласцi ўкаранiлi практыку выязных прыёмаў дзяржрэгiстратараў

Хто валодае нерухомай маёмасцю альбо ўчасткам зямлi, ведае, як важна мець адпаведныя дакументы на сваю ўласнасць.

Эканоміка

Як генафонд раслін адаптуецца да змен клімату

Як генафонд раслін адаптуецца да змен клімату

Работа па вывучэннi генетычных рэсурсаў раслiн у Беларусi была пачата яшчэ ў 20-я гады мiнулага стагоддзя.

Грамадства

Паэт Iван Юркiн: З жонкай упершыню пацалаваўся ў дзень вяселля 47 год таму

Паэт Iван Юркiн: З жонкай упершыню пацалаваўся ў дзень вяселля 47 год таму

Песнi на вершы Iвана Юркiна карыстаюцца вялiкай папулярнасцю. Хто не ведае гiмна гасцiннасцi нашай краiны — «Прыязджайце да нас у Беларусь»? Вось таму было цiкава пазнаёмiцца з музай паэта — яго жонкай Надзеяй Iванаўнай.