Вы тут

Раім схадзіць


Лекторый у Нацыянальным мастацкім музеі, дабрачынны аукцыён «Дзеці. Аутызм. Бацькі», сямейны фестываль і выстава эксперыментаў – афіша «Звязды» з 30 студзеня па 5 лютага.


Лекторый «ХХ стагоддзе. Рэвалюцыі ў думках і мастацтве»

Фота: thewhitelake.ru

Дзе: Нацыянальны мастацкі музей Рэспублікі Беларусь (вул. Леніна, 20)

Калі: з 1 лютага па 31 мая (кожную сераду), 19:00

Колькі каштуе: 5 р., 2,50 р. – школьнікі, студэнты; можна набыць абанемент

ХХ стагоддзе апынулася насычаным падзеямі. Грамадскія сутыкненні, рэвалюцыі, супярэчнасці і навацыйныя ідэі – для Заходняй Еўропы гэты час стаў эпохай глабалізацыі і капіталізацыі, для рэспублік Савецкага саюза – у першую чаргу гісторыяй камуністычных ідэалаў, спароджанага ім сацыяльнага эксперыменту і эпахальнага краху.

У фокусе ўвагі Нацыянальнага мастацкага музея традыцыйна апынуцца мастацтвазнаўчая і культуралагічная праблематыкі.

Цыкл уяўляе сабой 18 аўтарскіх лекцый, падрыхтаваных супрацоўнікамі музея, а таксама запрошанымі даследнікамі.

Азнаёміцца з поўным спісам лекцый можна на сайце музея.


Лекцыя «Беларусь на фотаздымках Пракудзіна-Горскага»

Фота: zavarnik.biz

Дзе: Нацыянальны цэнтр сучасных мастацтваў Рэспублікі Беларусь (вул. Някрасава, 3)

Калі: 1 лютага, 19:00

Колькі каштуе: 3 р., 2 р. – льготны

У рамках цыкла лекцый Паўла Дзюсекава, гісторыка і краязнаўцы, кіраўніка праекта «Вандроўкі ў мінулае», 1 лютага адбудзецца сустрэча, тэма якой – «Беларусь на фотаздымках Пракудзіна-Горскага».

Падчас лекцыі можна будзе зірнуць на першыя ў гісторыі каляровыя фотаздымкі Беларусі, а напрыканцы паглядзець дакументальны фільм Леаніда Парфёнава «Колер нацыі».


Дабрачынны аукцыён «Дзеці. Аутызм. Бацькі»

Фота: livejournal.com

Дзе: Дзяржаўны літаратурны музей Янкі Купалы (вул. Я. Купалы, 4)

Калі: 2 лютага, 18:30

Колькі каштуе: удакладняць у касе

2 лютага ў Дзяржаўным літаратурным музеі Янкі Купалы адбудзецца закрыццё выставы «З новай казкай!». Аўтары малюнкаў – дзеці з аутызмам.

Кульмінацыяй урачыстасці стане дабрачынны аукцыён у падтрымку дзейнасці міжнароднай дабрачыннай грамадскай арганізацыі «Дзеці. Аутызм. Бацькі».

Дабрачынны праект музея «З новай казкай! » – гэта магчымасць аб’яднаць людзей вакол праблем, якія трэба вырашаць разам. Падтрымаць праект запрошаны знакамітыя беларускія мастакі, музыканты, Мінскі міжнародны жаночы клуб жонак Паслоў, дыпламатаў і замежных прадстаўнікоў, культурныя і грамадскія дзеячы.


Сямейны фестываль «Family Fest»

Фота: firestock.ru

Дзе: Палац спорту (пр-т Пераможцаў, 4)

Калі: 4-5 лютага, 10:00

Колькі каштуе: 10 р. – дарослыя, 5 р. – дзеці да 12 гадоў, дзеці да 2 гадоў – бясплатна

Family Fest – гэта выдатны фармат адпачынку для сучасных бацькоў. Вас чакаюць: лепшыя забавы і падарункі ад арганізатараў і партнёраў фестывалю, карысныя тавары для дома і сям'і, адукацыйная пляцоўка для прагрэсіўных мам і тат, актуальная музыка і смачная ежа.

На фестывалі будзе арганізавана зручная пеленальная зона і паркоўка для калясак, а таксама гульнявыя і адукацыйныя kids-зоны з кваліфікаванымі педагогамі і аніматарамі, якія пацешаць дзетак, пакуль бацькі будуць занятыя на фестывалі.


Выстава эксперыментаў «Музей навукі»

Фота: forbes.kz

Дзе: Дом-музей I з'езда РСДРП (пр-т Незалежнасці, 31а)

Калі: па 31 сакавіка, 11:00-19:00

Колькі каштуе: удакладняць у касе

Любы эксперыментатар у «Музеі навукі», дзіця або дарослы, можа самастойна правесці свой уласны эксперымент, які апісвае той ці іншы закон фізікі або з'яву прыроды. За час, праведзены ў музеі, вы не зможаце вывучыць усю фізіку, але цікавасць да дакладных навук, цяга да ведаў абавязкова з'явіцца.

На выставе знаходзяцца экспанаты, з якімі можна і трэба ўзаемадзейнічаць, даследаваць, разгадваць галаваломкі.


Выстава «Густаў Клімт. 100 гадоў без генія»

Фота: afisha.tut.by

Дзе: GALLERIA MINSK (пр-т Пераможцаў, 9)

Калі: па 15 лютага, 10:00-22:00

Колькі каштуе: 6 р., льготны – 3 р.

14 студзеня ў Мінску ў рамках сусветнага турнэ «Густаў Клімт. 100 гадоў без генія» адкрылася выстава рэпрадукцый аднаго з самых дарагіх і вядомых мастакоў ХХ ст.

Дакладныя копіі палотнаў Клімта (у тым ліку самы вядомы твор мастака карціну «Пацалунак»), выкананыя ў той жа тэхніцы з выкарыстаннем сусальнага золата, можна ўбачыць з 10:00 да 22:00.


Выстава «Японская вясна»

Фота: afisha.tut.by

Дзе: Гарадская мастацкая галерэя Л. Шчамялёва (вул. Рэвалюцыйная, 10)

Калі: па 19 лютага, сер.-нядз.: 11:00-19:00

Колькі каштуе: 2 р., студэнты – 1,5 р., школьнікі – 1 р.

На выставе прадстаўлена каля 20 жывапісных твораў, над якімі мастачка Марына Быкава працавала з 2006 па 2010 гады.

На стварэнне гэтай серыі работ аўтара натхнілі японская культура, філасофія і творчасць вялікіх майстроў японскай гравюры. У сваіх творах мастачка сумяшчае традыцыі японскага мастацтва і ўласныя наватарскія прыёмы.


Выстава «І паланэз пачаць пара»

Фота: mylitta.ru

Дзе: Дом Ваньковічаў (вул. Інтэрнацыянальная, 33а)

Калі: па 31 студзеня, аўт.-сб.: 10:00-18:00

Колькі каштуе: уваход па білеце ў музей

З 13 студзеня ў Доме Ваньковічаў можна наведаць выставу моды і аксесуараў эпохі Рамантызму з калекцыі Ігара Сурмачэўскага.

Калекцыянер Ігар Сурмачэўскі – збіральнік твораў выяўленчага, дэкаратыўна-прыкладнога мастацтва, фатаграфій, дакументаў, звязаных з гісторыяй беларускіх зямель. Асаблівае месца ў яго калекцыі займаюць старадаўнія прадметы гардэроба, антыкварнага адзення і аксесуараў. Асноўная геаграфія рарытэтаў – Заходняя Еўропа, Амерыка і Расія. 


Выстава «Ex Libris. Кніжны знак»

Фота: afisha.tut.by

Дзе: Нацыянальны гістарычны музей Рэспублікі Беларусь (вул. К. Маркса, 12)

Калі: па 31 студзеня, пан.-нядз.: 11:00-19:00

Колькі каштуе: 5 р., студэнты – 4 р., школьнікі – 3 р.

12 студзеня адбылося адкрыццё выставы Яўгеніі Цыбульскай «Ex Libris. Кніжны знак». Выставачны праект мінскай мастачкі пачынае серыю мерапрыемстваў музея, прысвечаных 500-годдзю беларускага кнігадрукавання.

На выставе «Ex Libris. Кніжны знак» прадстаўлена каля 40 работ, створаных на працягу мінулага года. Гэта экслібрысы сучаснікаў мастачкі – музыкантаў, мастакоў, тэатральных дзеячаў, літаратараў.

Дадаць каментар

Выбар рэдакцыі

У свеце

Навошта Нарвегія назапасіла рэкордную «заначку»?

Навошта Нарвегія назапасіла рэкордную «заначку»?

​Актывы суверэннага фонду каралеўства Нарвегія перавысілі трыльён долараў.

Грамадства

Як жывуць апошнія жыхары вёскі Дзет­ка­ві­чы

Як жывуць апошнія жыхары вёскі Дзет­ка­ві­чы

У Дзеткавічах хоць і зарэгістравана сем чалавек, пастаянна пражываюць тры жанчыны. 

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра настаўніка года, непрадугледжаныя паводзіны і англійскі кампот.