Вы тут

Юныя абаронцы сышліся ў напружанай барацьбе


У сталіцы прайшла маштабная спартакіяда.

Сярод удзельнікаў — курсанты кадэцкіх вучылішчаў, спецыялізаваных ліцэяў і Мінскага сувораўскага ваеннага вучылішча. Спартакіяда з такім складам удзельнікаў стала першай у гісторыі і была прымеркавана да 100-годдзя беларускай міліцыі.


Усяго ў спаборніцтвах прынялі ўдзел амаль 180 прадстаўнікоў кадэцкіх вучылішчаў, а таксама каманда сувораўцаў і ліцэістаў, якія адстойвалі гонар МУС і МНС. Юнакі даказвалі, хто найлепшы ў плаванні, бегу, міні-футболе, стральбе і сілавых практыкаваннях, і дэманстравалі сваё ўменне працаваць у камандзе.

Свае самыя лепшыя якасці і навыкі ўдзельнікі праяўлялі на працягу трох дзён на базе Акадэміі МУС. «Гарачыя» спаборніцтвы чаргаваліся з пазнавальнымі экскурсіямі. Узнагароджанне пераможцаў адбылося ў зале алімпійскай славы НАК. На цырымоніі прысутнічаў міністр унутраных спраў генерал-лейтэнант міліцыі Ігар Шуневіч, які адзначыў добрую фізічную падрыхтоўку ўдзельнікаў спартакіяды і іх высокія спартыўныя вынікі. Педагогі і кіраўніцтва вучылішч былі ўдастоены граматамі Міністэрства адукацыі за добрую падрыхтоўку дастойных вучняў.

— Дзякуючы волі да перамогі, напалу спартыўнай барацьбы, непадкупным і шчырым эмоцыям спартакіяда заняла годнае месца ў комплексе ўрачыстых святочных мерапрыемстваў, прымеркаваных да 100-годдзя беларускай міліцыі, — адзначыў кіраўнік міліцэйскага ведамства. — Гэта падзея стала яшчэ адным доказам таго, што ў нашай краіне і Міністэрстве ўнутраных спраў пытанням здаровага ладу жыцця, развіццю спартыўнай інфраструктуры ўдзяляецца, без перабольшання, прыярытэтнае значэнне.

Сярод асноўных мэт правядзення спартакіяды — патрыятычнае выхаванне. Большасць юнакоў, якія вучацца ў спецыялізаваных навучальных установах, у будучыні бачаць сябе афіцэрамі, таму для іх такія спаборніцтвы, вытрыманыя ў духу добрага суперніцтва і дружбы, асабліва важныя.

У агульным заліку першае месца аказалася ў каманды Мінскага сувораўскага вучылішча, другое — у кадэтаў з Брэста, а трэцяе месца — у іх «калег» з Віцебска. Прадстаўнікі ліцэя МУС сёлета занялі чацвёртае месца, аднак, па іх уласным прызнанні, гэта толькі натхніла іх на новыя здзяйсненні ў будучыні.

Дар'я КАСКО

kasko@zvіazda.by

Выбар рэдакцыі

Грамадства

Асноўная задача — захаваць біялагічную сям'ю

Асноўная задача — захаваць біялагічную сям'ю

«Звязда» звярнулася па каментарыі аб рэалізацыі Дэкрэта Прэзідэнта № 18 да старшынь профільных камісій абедзвюх палат Нацыянальнага сходу Беларусі.

Грамадства

Аповед жанчыны, якая здолела вярнуць дачку з сацыяльнага прытулку

Аповед жанчыны, якая здолела вярнуць дачку з сацыяльнага прытулку

Жанчыну, якая здолела не толькі вярнуць дзіця з прытулку, але і далей выхоўвае яго, знайсці аказалася не проста. 

Грамадства

Чаму зараз варта далей трымацца ад вадаёмаў?

Чаму зараз варта далей трымацца ад вадаёмаў?

Люты больш нагадвае пазачарговы вясновы месяц.

Грамадства

Якую літаратуру здаюць у букіністычныя крамы?

Якую літаратуру здаюць у букіністычныя крамы?

Калі звычайныя кнігарні працуюць па формуле «кніга — чалавек», то букіністычныя трымаюцца на прынцыпе «людзі — кнігі — людзі».