Вы тут

Прадстаўнікі МУС прынялі ўдзел у зімовых заплывах


Пакуль адны пацепваліся ад холаду ў пухавіках, другія забягалі ў ледзяную ваду на некалькі секунд, трэція... плавалі, прычым, на хуткасць. У сталіцы прайшоў рэспубліканскі фестываль здаровага ладу жыцця «Вадохрышчанскія купанні» ў межах ІІ адкрытага чэмпіянату Беларусі па спартыўным зімовым плаванні «Белгарт Мінск Опэн».


На Камсамольскім возеры, тэмпература вады ў якім была ўсяго на два градусы вышэй за нуль, сабраліся загартаваныя экстрэмалы не толькі з Беларусі, але Расіі, Эстоніі, Латвіі, Польшчы, Бельгіі, Францыі і Аўстрыі. Усяго больш за 200 спартсменаў.

Тыя, хто не быў упэўнены ў сваіх сілах ці проста хацеў атрымаць задавальненне ад працэсу купання, маглі прыняць удзел у заплывах, дзе не фіксаваўся час. У астатніх жа была магчымасць паказаць свае здольнасці ў заплывах на 25, 50, 100, 200 і 450 метраў рознымі стылямі, а таксама эстафетах.

Выдатна праявілі сябе на чэмпіянаце прадстаўнікі Цэнтра павышэння кваліфікацыі кіруючых работнікаў і спецыялістаў МУС. У склад каманды ўвайшлі падпалкоўнік міліцыі Сяргей Галюк, маёр міліцыі Уладзімір Ярашэвіч і курсанты першапачатковай падрыхтоўкі Ксенія Самарына, Віталь Урбановіч і Аляксей Дорахаў.

У заплывах брасам Ксенія заняла адразу два прызавыя месцы: другое на дыстанцыі 50 метраў і трэцяе на дыстанцыі 25 метраў, зусім няшмат ёй не хапіла да перамогі ў 50-метроўцы вольным стылем. Віталь стаў чацвёртым у заплыве на 50 метраў і шостым у заплыве на 25 метраў брасам. Аляксею, як і Ксеніі, удалося падняцца на п'едэстал: ён стаў трэцім у заплыве на 100 метраў вольным стылем, а дыстанцыю 25 метраў брасам завяршыў сёмым. У змяшанай эстафеце вольным стылем каманда цэнтра таксама стала сёмай.

Дар'я КАСКО

kasko@zvіazda.by

Загаловак у газеце: У палонку — па перамогу

Выбар рэдакцыі

Грамадства

Першая дапамога дзецям пры траўмах. Што трэба ведаць?

Першая дапамога дзецям пры траўмах. Што трэба ведаць?

​Дастаткова часта дзецi трапляюць у крытычныя сiтуацыi праз сваю цiкаўнасць i павышаную актыўнасць.

Культура

Распавядаем, што паглядзець на сёлетнім «Славянскiм базары ў Вiцебску»

Распавядаем, што паглядзець на сёлетнім «Славянскiм базары ў Вiцебску»

Сёлета ён пройдзе ўпершыню выключна пад адкрытым небам.

Культура

На якія раскопкі чакаюць валанцёраў?

На якія раскопкі чакаюць валанцёраў?

Увесь лiпень працуе археалагiчны летнiк «Наўры-2020».