20 Люты, аўторак

Вы тут

Ігар Карпенка: Задача бацькоўскіх камітэтаў — не збор грошай


«Профільнае навучанне ва ўстановах агульнай сярэдняй адукацыі павінна арганізоўвацца рацыянальна», — такое меркаванне выказаў міністр адукацыі Ігар Карпенка, прымаючы ўдзел у калегіі ўпраўлення адукацыі Брэсцкага аблвыканкама.


— Профільнае навучанне — гэта ў першую чаргу стварэнне магчымасцяў для хлопчыкаў і дзяўчатак, якія паказваюць высокія вынікі ў вучобе і арыентаваны на ВНУ. Але не варта гэтым захапляцца, — растлумачыў сваю думку Ігар Карпенка.

Яшчэ адзін аспект, які закрануў міністр на калегіі, датычыцца адказнасці заказчыкаў кадраў: «Нонсэнс атрымліваецца! Калі студэнт ВНУ або сярэдняй спецыяльнай навучальнай установы не паедзе па размеркаванні, з яго спаганяюць грошы. А калі работадаўца заказаў падрыхтоўку кадраў за дзяржбюджэт, а потым адмаўляецца ад прыёму на работу маладых спецыялістаў, — ён не нясе ніякай адказнасці. Па маім разуменні, тады вярні гэтыя грошы ў бюджэт. Мы іх выдаткуем на перапрафіляванне кадраў, на адкрыццё новых спецыяльнасцяў... Лічу, што гэта пытанне міжведамаснага ўзаемадзеяння».

Ігар Карпенка паведаміў, што паралельна з падрыхтоўкай змяненняў у Кодэкс «Аб адукацыі» цяпер вядзецца работа над яшчэ адным дакументам, што датычыцца дэталёвай класіфікацыі спецыяльнасцяў у ВНУ і ўстановах сярэдняй спецыяльнай адукацыі. «Мы хочам прааналізаваць — ці павінны кваліфікацыйныя характарыстыкі ў сістэме сярэдняй спецыяльнай адукацыі дубліравацца ў вышэйшай школе і наадварот. Вось у медыкаў усё дакладна выбудавана. У сістэме сярэдняй спецыяльнай адукацыі ёсць спецыяльнасці «медсястра», «фельчар», «лабарант». Яны не дубліруюць спецыяльнасці ў вышэйшай школе. А мы па некаторых спецыяльнасцях — такіх як «тэхнолаг» або «педагог дашкольнай адукацыі» — рыхтуем і ў сярэдніх спецыяльных навучальных установах, і ва ўніверсітэтах», — падкрэсліў ён.

Больш уважліва трэба паглядзець і на сістэму падрыхтоўкі кадраў. Напрыклад, з дзецьмі, якія маюць асаблівасці развіцця, сёння пераважна працуюць толькі спецыялісты, якія навучаліся ў Інстытуце інклюзіўнай адукацыі. Тыя ж настаўнікі-прадметнікі (гісторыі, матэматыкі або фізікі) не маюць неабходных ведаў і навыкаў для работы з такімі асаблівымі дзецьмі. А гэта неабходна, калі гаворка ідзе аб стварэнні ў школе інтэграваных класаў і інклюзіўнага асяроддзя. І ў гэтай сітуацыі, як растлумачыў міністр адукацыі, аптымальна набіраць групу педагогаў і дадаткова навучаць іх рабоце з дзецьмі, якія маюць асаблівасці ў развіцці.

Падчас сваёй трохдзённай паездкі ў Брэсцкую вобласць міністр наведаў шэраг устаноў адукацыі. Апошнім пунктам візіту стала сярэдняя школа № 1 горада Жабінкі, дзе міністр закрануў праблему эфектыўнага ўзаемадзеяння бацькоў з педагогамі, расказаў пра ўкараненне электроннай школы і дзейнасць папячыцельскіх саветаў. Ігар Карпенка адзначыў, што галоўная задача бацькоўскіх камітэтаў і папячыцельскіх саветаў школ заключаецца не ў зборы грашовых сродкаў, а перш за ўсё ў сумесным удзеле ў вырашэнні розных праблем адукацыйнага працэсу, асабліва ў выхаванні моладзі.

Надзея НІКАЛАЕВА

nіkаlаеvа@zvіаzdа.bу

Дадаць каментар

Выбар рэдакцыі

Палітыка

Прэзідэнт паўдзельнічаў у выбарах і адказаў на пытанні журналістаў

Прэзідэнт паўдзельнічаў у выбарах і адказаў на пытанні журналістаў

За каго аддаць свой голас, якога кандыдата лепей абраць у дзень выбараў у мясцовыя Саветы дэпутатаў? 

Калейдаскоп

Як прайшоў фінал нацыянальнага адбору на «Еўрабачанне»

Як прайшоў фінал нацыянальнага адбору на «Еўрабачанне»

Беларусь на конкурсе прадставіць украінец ALEKSEEV.

Культура

«Бум культурных стартапаў стане новым вітком эканомікі»

«Бум культурных стартапаў стане новым вітком эканомікі»

Некалькі месяцаў таму адна з найпапулярнейшых сталічных вуліц Кастрычніцкая ўзбагацілася на яшчэ адно «тусовачнае» месца — «Ок16».

Калейдаскоп

Вясёлыя гісторыі чытачоў

Вясёлыя гісторыі чытачоў

Праславіў Някрасаў рускую жанчыну, на вякі праславіў!