З 30 студзеня па 2 лютага парламенцкая дэлегацыя нашай краіны на чале з намеснікам старшыні Палаты прадстаўнікоў Нацыянальнага сходу Баляславам ПІРШТУКОМ знаходзіцца з візітам у Польшчы.
Як паведаміла прэс-служба Палаты прадстаўнікоў, на сустрэчы са старшынёй Сената Польшчы Станіславам Карчэўскім бакі дамовіліся паслядоўна развіваць беларуска-польскае супрацоўніцтва, а таксама сышліся ў меркаванні, што парламенты абедзвюх краін павінны выконваць важную ролю ў актывізацыі гэтага ўзаемадзеяння. Станіслаў Карчэўскі адзначыў, што візіты ў 2016 годзе ў Рэспубліку Беларусь польскіх парламентарыяў паказваюць: польскі бок гатовы да дыялогу і супрацоўніцтва.
Баляслаў Пірштук заявіў, што разам з абменам візітамі, эфектыўнымі інструментамі ўмацавання адносін паміж парламентамі нашых краін з'яўляюцца ўзаемадзеянне і ўзаемная падтрымка ў міжнародных парламенцкіх арганізацыях, у тым ліку ў парламенцкіх асамблеях АБСЕ і Савета Еўропы, парламенцкім вымярэнні Цэнтральнаеўрапейскай ініцыятывы. Ён заклікаў больш актыўна выкарыстоўваць магчымасці для развіцця гандлёва-эканамічных і інвестыцыйных адносін паміж дзвюма краінамі і выказаў зацікаўленасць у вывучэнні перадавога польскага вопыту вядзення бізнесу.
Падчас візіту ў Польшчу адбываюцца сустрэчы з польскімі дзелавымі коламі, членамі польска-беларускай парламенцкай групы, прадстаўнікамі Міністэрства замежных спраў.
Надзея ЮШКЕВІЧ
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».