23 Люты, чацвер

Вы тут

Тэлепраграма «Падарожжа дылетанта» перабралася ў інтэрнэт


Тэлепраграма «Падарожжа дылетанта» Юрыя Жыгамонта перабралася з тэлебачання ў інтэрнэт, дзе ўжо можна паглядзець першы спецвыпуск, прысвечаны 500-годдзю беларускага кнігадрукавання. Гэта будзе пачаткам новай старонкі ў гісторыі падтрыманага Vеlсоm знакамітага «Падарожжа».


Накіраваўшыся ў Прагу, дзе ў 1517 годзе славуты Францыск Скарына выдаў першую кнігу на беларускай мове, Юрый Жыгамонт паказаў той самы будынак, дзе, на думку навукоўцаў, выйшла ў свет першая друкаваная кніга на беларускай мове, а таксама шмат іншых месцаў, звязаных з вядомым асветнікам і гуманістам.

— «Падарожжа дылетанта» выходзіла на тэлебачанні з 2001 года, — кажа вандроўнік, які стварыў некалькі сотняў выпускаў пра беларускія мясціны і быў узнагароджаны Міністэрствам культуры нагрудным знакам «За ўклад у развіццё культуры Беларусі». — За гэты час адбылося імклівае развіццё новых тэхналогій, і нам з камандай хацелася, каб як мага больш беларусаў працягвалі глядзець перадачу.

Парасон і чамаданчык (дарэчы, той, што быў некалі, ужо знасіўся), як заўсёды, пры дылетанце. Як і капялюш, паліто ды боты. І, вядома, родная мова. Пражская серыя складаецца з двух выпускаў, першы ўжо ёсць у доступе, а другі з'явіцца 7 лютага. Пасля паездкі ў Чэхію самы славуты дылетант вернецца да падарожжаў па Беларусі з новымі кірункамі і цікавымі фактамі.

«500-годдзе першай беларускай друкаванай кнігі Францыска Скарыны — значная дата, якая заслугоўвае асаблівай увагі, — адзначыў кіраўнік аддзела карпаратыўных камунікацый Vеlсоm Вячаслаў СМІРНОЎ. — Нацыянальная гісторыя і культура — вельмі важныя каштоўнасці для нашай кампаніі. Праграма «Падарожжа дылетанта» асабіста для мяне з'яўляецца такім скарбам, які для многіх беларусаў знаёмы з дзяцінства. Аднаўленне ў сучасным лічбавым фармаце дазволіць яшчэ больш пашырыць кола яе гледачоў і прыхільнікаў».

Святлана БАРЫСЕНКА

protas@zviazda.by

Загаловак у газеце: Новыя падарожжы Жыгамонта

Дадаць каментар

Выбар рэдакцыі

Грамадства

Зачараваныя небам

Зачараваныя небам

У ваенных верталётчыкаў, бацькі і сына Паўлавых, на дваіх — больш як 5 тысяч гадзін, праведзеных над аблокамі.

Грамадства

Як мама ў дэкрэце вырашыла агучваць дыяфільмы свайго дзяцінства

Як мама ў дэкрэце вырашыла агучваць дыяфільмы свайго дзяцінства

Аднойчы мама ў дэкрэце і рэжысёр па адукацыі Наталля Леванава знайшла ў бацькоўскім доме праектар са стужкамі.

Грамадства

Сёння мы прапаноўваем вам свой погляд на крытэрыі «мужчынскасці»

Сёння мы прапаноўваем вам свой погляд на крытэрыі «мужчынскасці»

Першае правіла Бацькоўскага клуба — не казаць пра Бацькоўскі клуб.

Культура

Народны мастак Беларусі Іван Міско — пра самае запаветнае

Народны мастак Беларусі Іван Міско — пра самае запаветнае

Яго заўсёды можна знайсці ў сваёй майстэрні (цяпер майстэрні-музеі). Тут скульптар і ў выхадныя дні.