17 Жнівень, чацвер

Вы тут

Раім схадзіць


Майстар-клас мастачкі Ганны Сілівончык, One Wedding Day 2017, выстава жывых экзатычных матылькоў і долары краін свету – афіша «Звязды» з 6 па 12 лютага.


Майстар-клас мастачкі Ганны Сілівончык

Фота: kakprosto.ru

Дзе: Нацыянальны мастацкі музей Рэспублікі Беларусь (вул. Леніна, 20)

Калі: 10 лютага, 18:00

Колькі каштуе: 55 р.

Напярэдадні Дня ўсіх закаханых многія думаюць, чым парадаваць сваю палавінку. Нацыянальны мастацкі музей прапануе стварыць незвычайны падарунак сваімі рукамі. Карціну-паштоўку на сапраўдным палатне з пацешным і арыгінальным сюжэтам вы зможаце намаляваць пад кіраўніцтвам мастачкі Ганны Сілівончык на майстар-класе па жывапісу акрылам.

Дадатковым бонусам для ўдзельнікаў стане займальная экскурсія па экспазіцыі музея.

Працягласць майстар-класа разам з экскурсіяй – 3 гадзіны. Удзельнічаць могуць нават тыя, хто з дзяцінства не трымаў у руках фарбы.


Вясельнае шоу One Wedding Day 2017

Фота: nashasvadba.net

Дзе: сядзіба Royal Hall (Мінская вобл., Лагойскі р-н., в.Чудзенічы, вул. Лясная, 2а)

Калі: 12 лютага, 17:00

Колькі каштуе: 65 р.

У праграме вечара: знаёмства з актуальнымі вясельнымі тэндэнцыямі, прэзентацыя апошніх навінак вясельнай індустрыі, яркая шоу-праграма і паказы вясельных убораў, дэманстрацыя вясельных паслуг ад вядучых спецыялістаў, святочны банкет і дэсерты ад вядомых кандытараў, музычныя паўзы з удзелам папулярных кавер-бэндаў, прыемныя бонусы і падарункі ад партнёраў і ўдзельнікаў праекта.


Выстава жывых экзатычных матылькоў

Фота: daler.ru

Дзе: Цэнтральны батанічны сад НАН Беларусі (пл. Калініна)

Калі: па 19 лютага, аўт.-нядз.: 10:00-20:00

Колькі каштуе: 6 р., бясплатны ўваход – для дзяцей да 6 гадоў, шматдзетных сем'яў і інвалідаў 1 групы

Мінчан і гасцей сталіцы запрашаюць пагрузіцца сярод зімы ў трапічнае лета: убачыць квітнеючыя архідэі, паглядзець на каралеўскія бягоніі, палюбавацца матылькамі з усіх куткоў планеты – ад джунгляў Амазонкі да архіпелагаў Акіяніі. Таксама будуць прадстаўлены і кукалкі матылькоў.

У аранжарэі дазволены фота- і відэаздымка: жадаючыя змогуць захаваць дзіўны момант зносін з найпрыгажэйшымі стварэннямі прыроды. 


Выстава «Птушкі зімой»

Фота: ogorod.mirtesen.ru

Дзе: Музей прыроды і экалогіі (вул. Казінца, 117)

Калі: па 12 сакавіка, 10:00-18:00

Колькі каштуе: 1,50 р.

Наведвальнікі выставы змогуць пазнаёміцца з прадстаўнікамі птушынай фауны. Калі з крумкачамі, вераб'ямі і гракамі мы сутыкаемся практычна на кожным кроку, то вось поползня або дубаноса з першага погляду пазнае не кожны. Усяго на выставе прадстаўлена больш за 30 відаў птушак.

Выстава будзе цікавая як дзецям, так і дарослым. Юныя наведвальнікі выставы змогуць прыняць удзел у конкурсе дзіцячага малюнка.


Выстава «Долары краін свету XIX-XXI ст.ст.»

Фота: odollarah.ru

Дзе: Музей гісторыі тэатральнай і музычнай культуры (зав. Музычны, 5)

Калі: па 18 лютага, 10:00-17:30

Колькі каштуе: 5 р., навучэнцы і пенсіянеры – 3 рублі.

Выстава «Долары краін свету XIX-XXI ст.ст.» са збору віцебскага калекцыянера Леаніда Ялава пашырыць вашыя пазнанні аб гэтай валюце. Так, напрыклад, ці ведалі вы, што долары бываюць не толькі зялёныя і не толькі з партрэтамі амерыканскіх прэзідэнтаў? Гэтая валюта дагэтуль ужываецца ў 26 краінах свету.


Лекторый «ХХ стагоддзе. Рэвалюцыі ў думках і мастацтве»

Фота: thewhitelake.ru

Дзе: Нацыянальны мастацкі музей Рэспублікі Беларусь (вул. Леніна, 20)

Калі: па 31 мая (кожную сераду), 19:00

Колькі каштуе: 5 р., 2,50 р. – школьнікі, студэнты; можна набыць абанемент

ХХ стагоддзе апынулася насычаным падзеямі. Грамадскія сутыкненні, рэвалюцыі, супярэчнасці і навацыйныя ідэі – для Заходняй Еўропы гэты час стаў эпохай глабалізацыі і капіталізацыі, для рэспублік Савецкага саюза – у першую чаргу гісторыяй камуністычных ідэалаў, спароджанага ім сацыяльнага эксперыменту і эпахальнага краху.

У фокусе ўвагі Нацыянальнага мастацкага музея традыцыйна апынуцца мастацтвазнаўчая і культуралагічная праблематыкі.

Цыкл уяўляе сабой 18 аўтарскіх лекцый, падрыхтаваных супрацоўнікамі музея, а таксама запрошанымі даследнікамі.

Азнаёміцца з поўным спісам лекцый можна на сайце музея.


Выстава эксперыментаў «Музей навукі»

Фота: forbes.kz

Дзе: Дом-музей I з'езда РСДРП (пр-т Незалежнасці, 31а)

Калі: па 31 сакавіка, 11:00-19:00

Колькі каштуе: удакладняць у касе

Любы эксперыментатар у «Музеі навукі», дзіця або дарослы, можа самастойна правесці свой уласны эксперымент, які апісвае той ці іншы закон фізікі або з'яву прыроды. За час, праведзены ў музеі, вы не зможаце вывучыць усю фізіку, але цікавасць да дакладных навук, цяга да ведаў абавязкова з'явіцца.

На выставе знаходзяцца экспанаты, з якімі можна і трэба ўзаемадзейнічаць, даследаваць, разгадваць галаваломкі.


Выстава «Густаў Клімт. 100 гадоў без генія»

Фота: afisha.tut.by

Дзе: GALLERIA MINSK (пр-т Пераможцаў, 9)

Калі: па 15 лютага, 10:00-22:00

Колькі каштуе: 6 р., льготны – 3 р.

14 студзеня ў Мінску ў рамках сусветнага турнэ «Густаў Клімт. 100 гадоў без генія» адкрылася выстава рэпрадукцый аднаго з самых дарагіх і вядомых мастакоў ХХ ст.

Дакладныя копіі палотнаў Клімта (у тым ліку самы вядомы твор мастака карціну «Пацалунак»), выкананыя ў той жа тэхніцы з выкарыстаннем сусальнага золата, можна ўбачыць з 10:00 да 22:00.


Выстава «Японская вясна»

Фота: afisha.tut.by

Дзе: Гарадская мастацкая галерэя Л. Шчамялёва (вул. Рэвалюцыйная, 10)

Калі: па 19 лютага, сер.-нядз.: 11:00-19:00

Колькі каштуе: 2 р., студэнты – 1,5 р., школьнікі – 1 р.

На выставе прадстаўлена каля 20 жывапісных твораў, над якімі мастачка Марына Быкава працавала з 2006 па 2010 гады.

На стварэнне гэтай серыі работ аўтара натхнілі японская культура, філасофія і творчасць вялікіх майстроў японскай гравюры. У сваіх творах мастачка сумяшчае традыцыі японскага мастацтва і ўласныя наватарскія прыёмы.

Дадаць каментар

Выбар рэдакцыі

Грамадства

Руху WоrldSkіlls Belarus патрабуецца ўласны брэнд

Руху WоrldSkіlls Belarus патрабуецца ўласны брэнд

У кастрычніку ў Абу-Дабі (ААЭ) пройдзе 44-ы чэмпіянат WоrldSkіlls Іntеrnаtіоnаl, у якім возьмуць удзел і беларусы. 

Грамадства

Як байцы з трох краін узводзяць новую спартыўную арэну

Як байцы з трох краін узводзяць новую спартыўную арэну

Сярод усіх маладзёжных будоўляў гэтага лета мінская гарадская — асаблівая. 

Калейдаскоп

Дзмітрый Літвіновіч: СhеrrуVаtа «абнулілася» і пачала новае жыццё

Дзмітрый Літвіновіч: СhеrrуVаtа «абнулілася» і пачала новае жыццё

Наколькі цяжка пачынаць прамаўляць уголас пасля доўгага маўчання, ці змяніліся ўмовы гульні на музычным рынку і ці прынялі хіпстары памкненні эксперыментатараў старога пакалення.

Грамадства

Унікальны заплыў «на чым папала» прайшоў на Аўгустоўскім канале

Унікальны заплыў «на чым папала» прайшоў на Аўгустоўскім канале

Гэта відовішча ўжо трэці год запар здзіўляе сваім нестандартным падыходам.