Вы тут

Задача школы — падрыхтаваць дзіця да выхаду ў самастойнае жыццё


«Перанос факультатываў на шосты школьны дзень дазваляе не перагружаць дзяцей цягам вучэбнага тыдня, але калі правядзенне факультатыву, дапусцім, у чацвер задавальняе ўсіх — і школьнікаў, і настаўнікаў, і бацькоў, то няма сэнсу аўтаматычна пераносіць яго на суботу», — такое меркаванне выказаў журналістам міністр адукацыі Ігар КАРПЕНКА падчас наведвання ў суботу Мінскага дзяржаўнага прафесійнага ліцэя №12 будаўніцтва.


Па словах міністра, галоўная задача школы — падрыхтаваць дзіця да выхаду ў самастойнае жыццё, выхаваць добрага грамадзяніна, сем'яніна і прафесіянала. Натуральна, што за пяць дзён вучэбнага тыдня немагчыма рэалізаваць усе гэтыя задачы, тым больш што ў дзіцяці павінен заставацца яшчэ і асабісты час.

— Мы разглядаем шосты школьны дзень як магчымасць для больш рацыянальнага і карыснага выкарыстання гэтага часу вучнямі. У суботу ў школах могуць праходзіць фізкультурна-аздараўленчыя, культурна-творчыя мерапрыемствы, сустрэчы бацькоў з настаўнікамі-прадметнікамі, бацькоўскія сходы. Абавязкова павінна выразна прасочвацца супрацоўніцтва педагогаў, бацькоў і навучэнцаў, — патлумачыў сваю думку міністр адукацыі.

Яшчэ адзін важны аспект школьнай суботы — арганізацыя прафарыентацыйнай работы са школьнікамі. Мінскі дзяржаўны прафесійны ліцэй №12 будаўніцтва ўжо можа падзяліцца сваім досведам у гэтым кірунку. Кожную суботу тут сустракаюць гасцей са школ і расказваюць ім аб прафесіях, якія можна атрымаць у ліцэі, а затым даюць магчымасць паспрабаваць свае сілы ў вучэбных майстэрнях. «Гэта форма работы дазваляе дзіцяці падумаць, чым бы яно хацела займацца, куды пайсці далей вучыцца. Акрамя таго, элементарныя навыкі працоўнага навучання спатрэбяцца ў жыцці кожнаму: і маладым хлопцам, і дзяўчатам», — падкрэсліў міністр адукацыі.

Ігар Карпенка таксама паведаміў, што работа над абнаўленнем зместу навучальных праграм працягваецца, паколькі пастаянна з'яўляюцца новыя веды, якія трэба ў той ці іншай меры даць яшчэ ў школе: «Мы будзем глядзець, што павінна заставацца ў гэтых праграмах, а што не, на якія тэмы трэба вылучыць больш гадзін, а на якія менш. Гэта пастаянны працэс».

Надзея НІКАЛАЕВА

nіkаlаеvа@zvіаzdа.bу

Загаловак у газеце: Карысная субота

Выбар рэдакцыі

Эканоміка

Хто выбраў год таму айчынную валюту, аказаўся ў выйгрышы. Куды ўкласці грошы зараз, каб атрымаць выгаду

Хто выбраў год таму айчынную валюту, аказаўся ў выйгрышы. Куды ўкласці грошы зараз, каб атрымаць выгаду

Знаёмства маладых людзей з першымі грашыма адбываецца дзіўным чынам.

Грамадства

Індыкатар жаночых праблем. Чаму ў дэкальтэ галоўнае не прыгажосць, а здароўе?

Індыкатар жаночых праблем. Чаму ў дэкальтэ галоўнае не прыгажосць, а здароўе?

Часта незразумелы «шарык» можа быць, напрыклад, фібрадэномай.

Грамадства

Калі дапамога патрэбна экстранна, яе заўсёды змогуць аказаць валанцёры Чырвонага Крыжа

Калі дапамога патрэбна экстранна, яе заўсёды змогуць аказаць валанцёры Чырвонага Крыжа

Гучны гул сірэны знянацку застаў пенсіянерку Веру Васільеўну дома.