Сёння завяршаецца афіцыйны візіт у Іран беларускай парламенцкай дэлегацыі на чале са старшынёй Савета Рэспублікі Нацыянальнага сходу Міхаілам Мясніковічам.
За тры дні парламентарыі сустрэліся з калегамі са Сходу ісламскага савета Ірана і з яго кіраўніком Алі Ардзешырам Ларыджані, прэзідэнтам Ірана Хасанам Раўхані, міністрам замежных спраў Ірана Махамадам Джавад Зарыфам, міністрам прамысловасці, шахтаў і гандлю Ірана Махамадам Рэзой Нематзадэ. Бакі абмеркавалі ўзаемадзеянне ў гандлёва-эканамічнай, навукова-тэхнічнай і культурнай сферах. Акрамя гэтага, прайшлі перамовы і з прадстаўнікамі іранскіх кампаній.
Прэзідэнт Ірана падкрэсліў зацікаўленасць у развіцці адносін з Еўразійскім эканамічным саюзам. Ён прапанаваў Беларусі ўдзельнічаць у арганізацыі транспартных калідораў поўнач — поўдзень і захад — усход, якія знаходзяцца цяпер у завяршальнай стадыі з Азербайджанам, Туркменістанам і Казахстанам.
Бакі ўдзялілі асаблівую ўвагу ўдасканаленню фінансавых разлікаў паміж суб'ектамі гаспадарання, а таксама рэалізацыі інвестыцыйных праектаў іранскімі кампаніямі ў Беларусі. Абедзве краіны валодаюць шэрагам канкурэнтаздольных і інавацыйных тэхналогій, у тым ліку касмічнымі. Абмеркавана падрыхтоўка іранскіх спецыялістаў у беларускіх універсітэтах.
Васілеўскія такія: на Зямлі і ў космасе ліхія!
Ідэнтычнасць праз спадчыну.
Беларусь — у тройцы лідараў па захваральнасці.
